یاریگا-محەمەد سەڵاح ئەستێرەی یانەی لیڤەرپوول لە یەکەم یاری وەرزدا توانی ژمارەیەکی پێوانەیی پریمەرلیگ بشکێنێت.
ئێوارەی ئەمڕۆ ریدز ٣-٠ شکستی بە نۆریچ ستی هێنا و سەڵاح گۆڵی سێهەمی تۆمارکرد، بەوەش بوو بە یەکەم یاریزان لە مێژووی خولەکەدا پێنج وەرزی دوای یەک لە یەکەم یاری گۆڵ تۆماربکات.
جگە لەوە، ناوبراو لەو پێنج یارییەی یەکەمی وەرزەکاندا، خاوەنی ٧ گۆڵ و سێ ئەسیستە، تەنها واین روونی بە ٨ گۆڵ و ٥ ئاسیست خاوەنی بەشداریکردنی گۆڵی زیاترە لە یاری یەکەمی وەرزدا. بەڵام واین نەیتوانیوە لە پێنج وەرزی دوای یەکدا گۆڵ تۆماربکات.
دوو گۆڵەکەی دیکەی ریدز لەلایەن دیێگۆ جۆتا و فیرمینیۆ یەوە تۆمارکران.
