ژمارەی درێسی دیپای و ئەگوێرۆ لە بارسێلۆنا راگەیەندران

یاریگا-ئەمڕۆ بارسێلۆنا بەفەرمی ژمارەی درێسی هەردوو یاریزانی نوێی یانەکەیان سێرجیۆ ئەگوێرۆ و مەمفیس دیپای راگەیاند.

ئەگەری ئەوە هەبوو پاش رۆیشتنی مێسی، درێسەکەی بدرێت بە یەکێک لەو دوو یاریزانە بەڵام درێسی ژمارەی ١٠ بارسا وەک خۆی دەمێنێتەوە و نەدرا بە هیچ یاریزانێک. دیپای درێسی ژمارە ٩ وەردەگرێت و ئەو  ژمارەیە لە برایسوەیت سەندرایەوە و ژمارە ١٢ی پێدرا.

هەرچی ئەگوێرۆ یە درێسی ژمارە ١٩ وەردەگرێت لە یانەکە.

هەروەها درێسی ریکی پویچ گۆڕدراوە بۆ ژمارە ٦ و درێسە ژمارە ٢٢ ـەکەی دەدرێت بە ئیمرسۆن کە ئەمەشیان یاریزانێکی نوێ یە.

هەروەها ئانسو فاتی درێسی ژمارە ١٧ دەپۆشێت لەبری ترینیکاو کە ئەمەی دواییان  بە خواستن روویکردووەتەوە وۆڵڤەرهامپتن.