یاریگا–
رافایل ڤاران، بەرگریکاری فەرەنسی یانەی ریال مەدریدی ئیسپانیا سوورە لەسەر جێهێشتنی یانەکەی و چاوەڕێش دەکرێت پێش گەڕانەوەی بۆ ئیسپانیا و کۆتایی هێنان بە پشووەکانی، بریاری کۆتایی لەبارەی داهاتووی بدات.
رۆژنامەی لیکیپی فەرەنسی لە کەسێکی نزیک ئەو یاریزانەی شایانەکان زانیاری دەستکەوتووە کە کارگێری مانچێستەر یونایتد ئەو یاریزانەی رازی کردووە بۆ ئەوەی وەرزی داهاتوو درێسی یانەکەی لەبەر بکات، تەنها ماوە شایانەکان دەستبەرداری ئەو یاریزانە بن کە بۆ ئەم مەبەستە داوای 70 ملیۆن یۆرۆ لە شەیتانە سوورەکان دەکەن.
ئەو سەرچاوەیە ئەوەشی باس کردووە کە یانەی مانچێستەر یونایتد ئۆفەری یەکەمی 50 ملیۆن یۆرۆ بووە بۆ گواستنەوەی ئەو یاریزانە و چاوەڕێش دەکرێت بۆ 60 ملیۆن یۆرۆ زیادی بکەن.
