یاریگا–
ریۆ فێردیناند، بەرگریکاری پێشووی هەڵبژاردەی ئینگڵاند و یانەی مانچێستەر یونایتدی ئەم وڵاتە ئامۆژگاری رافایل ڤاران بەرگریکاری فەرەنسی یانەی ریال مەدرید دەکات یانەکەی جێبێڵێت و پەیوەندی بە یانەکەی وڵاتەکەیەوە بکات.
بەرگریکارەکەی پێشووی شەیتانە سوورەکان لە راستەوخۆیەکی تۆڕی کۆمەڵایەتی ئینستاگرام لە هەژماری فەرمی خۆی لەلایەن فانێکیەوە پرسیاری ئەوەی لێکرا ئاخۆ بۆچی پەیوەندی بە بەرگریکارە فەرەنسیەکەوە ناکات بۆ ئەوەی وەرزی داهاتوو درێسی یانەکەیان لەبەر بکات و ئەویش لە وەڵامدا گووتی ” لێتان ناشارمەوە ماوەیەک لەمەوبەر نامەیەکم بۆ ئەو یاریزانە ناردووە و داوام لێکردووە یانەکەی جێبێڵێت، بۆیە چاوەڕێ دەکرێت ئەو یاریزانە لە ماوەیەکی نزیکەدا یانەکەی جێبێڵێت.
لەلایەکی دیکەوە رۆژنامەی لیکیپی فەرەنسی زانیاری دەستکەوتووە کە یانەی پاریس سانجێرمانی وڵاتەکەشیان هاتووەتە سەرهێڵ بۆ گواستنەوەی ئەو یاریزانە، بۆیە ڤاران دوو دڵە کە بۆ وەرزی داهاتوو پەیوەندی بە کام یانەوە بکات.
