ساری داوای ئیسکۆ دەکات

یاریگا–
ماوریزیۆ ساری، راهێنەری یانەی چێڵسی ئینگڵاند داوای لە بەرپرسانی یوڤێنتۆس کردووە ئیسکۆ ناوەڕاستکاری ریال مەدرید بگوازنەوە ریزەکانیان.

رۆژنامەی وەرزشی توتۆ سپۆرتی ئیتاڵی زانیاری دەستکەوتووە بەرپرسانی بیانکۆنێری لەگەڵ راهێنەری ئێستای چێڵسی گەیشتونەتە رێکەوتن و وەرزی داهاتوو راهێنەرایەتی ئەو یانەیە دەکات، بۆیە راهێنەرە ئیتاڵیەکە داوای گواستنەوەی چەند یاریزانێکی کردووە لەوانەش ئیسکۆ یاریزانی ریال مەدرید.

سەرچاوەکە ئەوەشی بڵاوکردۆتەوە خانمە پیرەکە لەپێناو بەدەست هێنانی تواناکانی ئیسکۆ ئامادەن بڕی 60 ملیۆن پاوەند خەرج بکەن.