یاریگا-
ڕۆمێرۆ لۆكاكۆی بەلجیكی و ئەستێرەی یانەی ئینتەر میلانی ئیتاڵی بە باشترین یاریزانی خولی ئیتاڵیا بۆ وەرزی 2020/2021 دەستنیشانكرا.
هەژماری فەڕمی كاڵچیۆ لە تۆڕی كۆمەڵایەتی تویتەر لۆكاكۆی وەك باشترین یاریزانی خولی ئیتاڵیا بۆ ئەم وەرزە دەستنیشانكرد.
لۆكاكۆ لەم وەرزەدا ئاستێكی بەرزی پێشكەش كرد و توانی 24 گۆڵ تۆمار بكات و 11 گۆڵیش درووست بكات و توانی دوای 11 سال لە دووركەوتنەوەی دووبارە سكۆدێتۆ بە ئینتەر شاد بكاتەوە.
هەروەها كریستیانۆ ڕۆناڵدۆی پورتوگالی و ئەستێرەی یانەی یوڤێنتوس بە باشترین هێرشبەری خولەكە دەستنیشانكرا بە جۆرێك كە توانی 29 گۆڵ تۆمار بكات.
هەروەها دوسان فلاهۆڤیچ بە باشترین یاریزانی خوار 23 ساڵان دەستنیشانكرا و جیانلویجی دۆنارۆماش بە باشترین گۆڵپارێز و كریستیان ڕۆمێرۆش خەڵاتی باشترین بەرگریكاری بردەوە.
هەروەها نیكۆلۆ بارێلا خەڵاتی باشترین ناوەڕاستكاری خولەكەی بردەوە.
چاوەڕوان دەكرێت لە یەكەم یاری وەرزی نوێدا سەرجەم خەڵاتەكانی باشترینەكان پێشكەش بكرێت.
