فەرمی: مۆدریچ لە ریال مەدرید دەمێنێتەوە

یاریگا–
لوکا مۆدریچ، ناوەڕاستکاری کڕواتی یانەی ریال مەدریدی ئیسپانیا ئەمڕۆ گرێبەستەکەی بە فەرمی بۆ ماوەی یەک وەرزی دیکە لەگەڵ یانەکەی نوێکردەوە.

ماڵپەری فەرمی یانەی ریال مەدریدی ئیسپانیا بڵاویکردەوە بەفەرمی لەگەڵ ناوەڕاستکاری کڕواتی یانەکەیان گەیشتنە رێکەوتن و ئەو یاریزانە تاوەکو کۆتایی وەرزی داهاتوو گرێبەستەکەی نوێکرایەوە و لەگەڵ یانەکەیان بەردەوام دەبێت.

مۆدریچی 35 ساڵ لەوەتەی ساڵی 2012 یاری بۆ ریال مەدرید دەکات و ئەم هاوینەش گرێبەستەکەی کۆتایی هات، لەو کاتەوەش ئەو یاریزانە لەگەڵ یانەکەی بەشداری 391 یاری کردووە و 28 گۆڵ و 61 ئاسیستی تۆمار کردووە.