یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد ئیدین هازاردی بەلجیكی و ئەستێرەی یانەی ڕیاڵ مەدریدی ئیسپانی دەیەوێت ڕیزەكانی ڕیاڵ مەدرید جێبهێڵێت.
بەرنامەی بەناوبانگی چیرینگیتۆی ئیسپانی ئاشكرایكرد كەوا كاتژمێرەكانی ڕۆشتنی هازارد لە ڕیاڵ مەدرید تا بێت نزیك دەبێتەوە و ئەستێرە بەلجیكیەكە دەیەوێت ڕیزەكانی مێرینگی جێبهێڵێت.
هەروەها هەمان سەرچاوە ئاشكرایكرد كە هازارد دەیەوێت بگەڕێتەوە ڕیزەكانی چێڵسی.
شایەنی باسە هازارد لە 2019 پەیوەندی كرد بە یانە شاهانەكەوە بەلام سەركەوتوو نەبوو لە شوێنگرتنەوەی كریستیانۆ ڕۆناڵدۆی ئەفسانەی یانەكە ، بەهۆی زۆری پێكانەوە.
