یاریگا-
تۆماس مۆلەری ئەڵمانی و ئەستێرەی یانەی بایرن میونشنی هەمان وڵات ستایشی ئاستی ڕۆبەرت لیڤاندۆڤسكی پۆڵەندی و گۆڵكاری یانەكەی كرد.
ڕۆژی ڕابردوو بایرن میونشن بوو بە میوانی فرایبۆرگ و یاریەكەش بە دوو گۆڵ بۆ هەردوولا یەكسان بوون ، لە میانەی یاریەكانی هەفتەی 33ی بۆندسلیگای ئەڵمانیا ، گۆڵەكانی بایرن لەلایەن لیڤاندۆڤسكی و سانیەوە تۆمار كران.
سەبارەت بەوە مۆلەر لە لێدوانیدا بۆ تۆڕی سكای سپۆرتی ئەڵمانیا ووتی: بە بێ ئەفسانەیەكی وەك گێرد مۆلەر یانەكە ئێستا لە شوێنێكی وا نەدەبوو ،ئەم یانەیە لەسەر دەستی ئەو یاریزانانە دامەزراوە ، ئەمڕۆش لیڤاندۆڤسكی خۆی خستە ڕیزی ئەو ئەفسانانەوە شایستەی ئەوەیە كڵاوەكەت بەرزبكەیتەوە بۆی.
هەروەها ووتیشی: لیڤاندۆڤسكی دەستكەوتێكی نایابی بەدەستهێناوە ، ڕاستە ئەو ڕاهاتووە لەوەی هاتریك و زۆرترین گۆڵ تۆمار بكات ، بەڵام پێشتر هیچ كات 40 گۆڵی تۆمار نەكردووە ، ئەوە شێتانەیە.
