یاریگا-
كۆنگرەی ڕۆژنامەوانی ڕونالد كومانی هۆڵەندی و ڕاهێنەری یانەی بارسێلۆنای ئیسپانی پێش یاریەكەیان بەرامبەر ئەتلەتیكۆ مەدرید.
وا بڕیارە ڕۆژی شەممە كاتژمێر 05:15 بە كاتی كوردستان بارسێلۆنا لە یاریگای كامپ نۆو میوانداری ئەتلەتیكۆ مەدرید بكات ، لە میانەی یاریەكانی هەفتەی 35ی خولی ئیسپانیا.
كۆنگرەی ڕۆژنامەوانی كومان پێش یاریەكەیان بەرامبەر ئەتلەتیكۆ مەدرید:
ڕووبەڕووبوونەوەی ئەتلەتیكۆ مەدرید؟
– هەردوو یانە باشن ، ئێمەش دەجەنگین وەك یانەكانی دیكە بۆ بردنەوەی نازناوەكە ، ناكرێت بەراوردی نێوان یانەكان بكەیت چونكە شێوازی هەموویان جیاوازە.
بارسێلۆنا لە یاری بەهێز كێشەی هەیە؟
– بێگومان وەك هەر یانەیەك لە وەرزەكەدا كات و ساتی سەختمان هەبووە ، لەو باوەڕەدام خاڵی باشمان بەدەستهێناوە ، یاریەكەی سبەینێ یەكێكە لەو چوار یاریەی كە ماومانە ، پێوویستە لە ڕووی هزرەوە بەهێز بین.
سبەینێ لالیگا یەكلا دەبێتەوە؟
– بڕوا ناكەم ئەنجامی یاریەكەی سبەینێ لالیگا یەكلا بكاتەوە ، دوای ئەوە سێ یاری دەمێنێتەوە ، یاریەكە گرنگە بەڵام یەكلاكەرەوە نیە.
سزای میوانداریەكەی میسی؟
– ئێستا كاتێكی گونجاو نیە بۆ ئەو باسە ، ئێمە لێرەین بۆ باس كردنی یاریەكەی سبەینێ.
یەكەم یاری سوارێزە بەرامبەر بارسێلۆنا؟
– بێگومان یاریەكی سەیر دەبێت بۆ ئەو و بۆ ئێمەش ، ئەو بۆ ماوەیەكی زۆر لێرە بوو ، بەڵام هەمووان هەوڵ دەدەن باشترین بۆ یانەكەی خۆیان پێشكەش بكەن.
بردنەوەی لالیگا،
– ڕای من نەگۆڕاوە ، ئەگەر هەر چوار یاریەكەی ماوە بیبەینەوە ، ئەوا دەبینە پاڵەوان.
فاتی؟
– قسەم لەگەڵی نەكردووە ، هیوادارم بە باشی چارەسەر وەربگرێت ، بەهۆی بێ چانسیەوە دەناڵێنێت و هەندێك شت بە باشی نەڕۆشتن ، هیوادارم لەگەڵمان بێت وەرزی داهاتوو بەڵام گرنگترین شت ئەوەیە كە بە باشی و بە زووی لە پێكانەكەی چاك بێتەوە.
دیمبلی بەرامبەر ڤالینسیا بەشداری نەكرد ، بڕیارێكی تەكنیكی بوو یان هەستی بە ئازار كردووە؟
– پشتی پێدەبەستم وەك هەر یاریزانێكی دیكە ، لە پێكهاتەی سەرەكی دەبێت یان یەدەگ ئەوە سبەینێ دەبینین ، سبەینێ باشترین پێكهاتە دادەنێین.
گرنگی بە لایەنی هزری زیاتر دەدەیت یان جەستەی؟
– بڕوا ناكەم لایەنێك باشتر بێت لەوی دیكە ، هەر یانەیەك شێوازی خۆی هەیە ، شێوازی ئێمە لەگەل ئەتلەتیكۆ جیاوازە.
شكستەكەی ڕیاڵ لە چامپیۆنسلیگ كاریگەری لەسەر ئێوە دەبێت؟
– بڕوا ناكەم ، ئەوە شتێكە تایبەتە بە خۆیان دەبێت قبوڵی بكەن و بەردەوام بن وەك هەموو یانەیەكی دیكە.
ئەتلەتیكۆ بە هێرشبەری یاری دەكات یان بەرگری؟
– وەك پێشتر ووتم ، پێوویستە بە باشترین شێوە ئامادە بین ، هەموو یانەیەك شێوازی تایبەتی خۆی هەیە.
لەو باوەڕەدایت میسی بمێنێتەوە؟
– چەندین جاری دیكە ووتومە ، باشترین شت بۆ ئێمە مانەوەی میسیە ، ئەوە باشترین ڕێگایە بۆ دەستپێكردنەوەی وەرزی نوێ ، چونكە ئەو باشترینی جیهانە.
شایەنی باسە ئەتلەتیكۆ مەدرید پێشەنگی لالیگای گرتووە بە كۆكردنەوەی 76 خاڵ لە 34 یاریدا و هەرچی یانە كەتەلۆنییەكە هەیە بە كۆكردنەوەی 74 خاڵ ڕیزبەندی سێیەمی گرتووە.
