یاریگا-
یاریزانێكی هێڵی ناوەندی بارسێلۆنا لەلایەن هەردوو یانەی چێلسی و ئینتەر میلانەوە گرنگی پێدەدرێت.
ڕۆژنامەی سپۆرتی كەتەلۆنی ئاشكرایكرد هەردوو یانەی چێلسی و ئینتەر میلان هەوڵی گواستنەوەی میرالیم پیانیچی بۆسنی و یاریزانی هێڵی ناوەندی بارسێلۆنا دەدەن لە گواستنەوەكانی داهاتوودا.
هەروەها سەرچاوەكە ئەوەشی ئاشكرا كردووە ئیدارەی بارسێلۆنا دەیەوێت پیانیچ بە خواستن بدات نەك بە یەكجاری بیفرۆشێت.
دوای پەیوەندیكردنی بە ڕیزەكانی بارسێلۆناوە پیانیچ لەلایەن ڕونالد كومانی هۆڵەندی و ڕاهێنەری بلاوگراناوە پشتی پێ نەبەسترا و بە جۆرێك تەنها لە شەش یاری لالیگادا بەشێوەی سەرەكی بەشداری كردووە.
