کومان: یاریزانەکانم خەڵاتێکی گەورەیان کردم بۆ ڕۆژی لەدایکبوونەکەم

یاریگا- ڕۆناڵد کومان ستایشی ئاستە بەرزەکەی یاریزانەکانی کرد دوای بردنەوە گەورەکەیان بەرامبەر ڕیاڵ سۆسیداد.

کومان کە ئەمڕۆ ڕۆژی یارییەکە تەمەنی بوو بە 58 ساڵ، لە چاوپێکەوتنی ڕۆژنامەوانی دوای یارییەکە بە مارکای وت: “یارییەکە نایابمان ئەنجام دا، هەرچەندە قورس بوو بۆمان تا تۆمار کردنی گۆڵی یەکەم. کاتێ ئەنجام 2-0 بوو ئیتر دەستمان بەسەر یارییەکەدا گرت و زۆر چالاک بووین لە هێرشبردن. بەو بردنەوەیە دیارییەکەی گەورەی ڕۆژی لەدایکبوونەکەیان پێشکەش کردم و هەروەها دیاری بوو بۆ ئالبا و گریزمان کە لە کۆتایی ئەم هەفتەیە بوون بە 32 ساڵ و ئەو دواییشیان بوو بە 30 ساڵ.”

بەو بردنەوەیە کە 1-6 کۆتایی هات، بارسا جیاوازییەکەی لەگەڵ ئەتڵەتیکۆ مەدرید کردەوە بە چوار خاڵ.