چامپیۆنزلیگ
لە ئامارێك ڕامۆس كەوتە پێش زێدان و ڕۆنالدۆوە
یاریگا-
سێرجیۆ ڕامۆسی ئیسپانی و كاپتنی یانەی ڕیاڵ مەدریدی هەمان وڵات لە ئامارێكی نایابدا پێشی هەریەك لە زەینەدین زێدان و ڕۆنالدۆی دیاردەی دایەوە.
ڕیاڵ مەدرید لە یاریگای ئەلفریدۆ دی ستیڤانۆ میوانداری ئەتلانتای كرد و یاریەكەی بە ئەنجامی سێ گۆڵ بەرامبەر بە گۆڵێك لێ بردەوە و توانی خۆی بگەیەنێتە قۆناغی چارەكی كۆتایی خولی یانە پاڵەوانەكانی ئەوروپا ، ڕامۆس توانی گۆڵی دووەمی یانەكەی تۆمار بكات بە لێدانی سزا.
بە تۆماركردنی ئەو گۆڵە ڕامۆس كۆی گۆڵەكانی لە چامپیۆنسلیگ بۆ 15 گۆڵ بەرزكردەوە و بەوەش توانی پێش هەریەك لە زێدان و ڕۆنالدۆ بكەوێت كە ئەوان 14 گۆڵیان تۆمار كردووە.
شایەنی باسە لەڕۆژی هەینی داهاتوو تیروپشكی قۆناغی چارەكی كۆتایی خولی یانە پاڵەوانەكانی ئەوروپا ڕادەكێشرێت.
