میسی لەمەترسی ڕاگیراندایە لە خولی ئیسپانی

یاریگا-

لیۆنێل میسی ئەرجەنتینی و ئەفسانەی یانەی بارسێلۆنای ئیسپانی لە مەترسی ڕاگیراندایە لە خولی ئیسپانی.

بەپێی ڕۆژنامەی سپۆرتی كەتەلۆنی میسی چوار كارتی زەردی هەیە لە خولەكەدا و لە ئەگەری وەرگرتنی كارتێكی دیكە ئەوا لە یاری دواتری خولەكە بێ بەش دەبێت.

ڕۆژی چوار شەممەی داهاتوو لە یاری گەڕانەوەی قۆناغی پێش كۆتایی جامی شای ئیسپانیا بارسێلۆنا میوانداری سێڤییا دەكات ، دوای ئەوەی یاری چوون یانە ئەندەلوسیەكە بە دوو گۆڵی بێ وەڵام یاریەكەی لێ بردەوە.

دواتر لە خولی ئیسپانی ڕووبەڕووی ئۆساسۆنا دەبێتەوە و لە ئەگەری وەرگرتنی كارتێكی زەرد ئەوا لە یاری دواتر بەرامبەر هویسكا بەشداری ناكات.

شایەنی باسە باشترین گۆڵكاری مێژووی بارسێلۆنا بە تۆماركردنی 19 گۆڵ لە پێشەنگی گۆڵكارانی خولەكە دێت.