یاریگا–
خوان بێرنات، بەرگریکاری ئیسپانی یانەی پاریس سانجێرمانی فەڕەنسا بووەتە ئامانجی یانەی بارسێلۆنا.
رۆژنامەی وەرزشی مۆندۆدێپۆرتیڤۆی کەتەلۆنی بڵاویکردووە، بەرگریکارەکەی شازادەکان ماوەیەکە لە ئەژنۆیدا تووشی پێکانێکی قورس بووە و هاوینی داهاتووش گرێبەستەکەی کۆتایی دێت و بەم هۆیەوە یانەکەی ئامادەنیە گرێبەستەکەی نوێ بکاتەوە، بۆیە بلاوگرانا دەیەوێت ئەو یاریزانە بە خۆرایی بۆ ریزەکانی بگوازێتەوە.
بێرنات لە ساڵی 2018 یانەی بایرن میونشنی ئەڵمانی جێهێشت و پەیوەندی بە پاریس سانجێرمانەوە کرد، لەگەڵ ئەو یانەیە لە سەرجەم خوڵ و پاڵەوانتیەکان بەشداری 76 یاریی کردووە و شەش گۆڵ 10 پاسی گۆڵی هەبووە.
