لوکاس ڤاسکێس بەرەو سێریا ئەی هەنگاو دەنێت

یاریگا- سەرچاوە هەواڵییەکانی وڵاتی ئیسپانیا بڵاویانکردۆتەوە، کەوا لوکاس ڤاسکێسی ئیسپانی و هیرشبەری یانەی ڕیاڵ مەدرید زۆر نزیکە لە پەیوەندیکردن بە خولی ئیتاڵییەوە.

بەپێی دواین زانیاریەکان، بەرپرسانی یانەی ناپۆلی ئیتاڵی لەگەڵ بەرپرسانی یانەی ڕیاڵ مەدرید گەیشتونەتە ڕێککەوتنی کۆتای، لەماوەیەکی زۆر نزیکی داهاتووشدا گرێبەستی هێرشبەرە ئیسپانیەکە بۆ ناپۆلی ڕادەگەیەندرێت.

ڤاسکێسی تەمەن (٢٩) ساڵان لەکۆی پێنج وەرزدا (٢٠٤) یاری بەدرێسی یانە شاهانەکەی ئیسپانیا ئەنجامداوە و توانیویەتی (٢٤) گۆڵیش تۆماربکات.