ئیسپانیابازاڕی گواستنه‌وه‌یاریگا
جێگری سەرۆکی بارسێلۆنا: کێشەی داراییمان نییە و دەتوانین گریزمان بکڕین
یاریگانێت- جۆردی میستری، جێگری سەرۆکی یانەی بارسێلۆنا ڕایگەیاند کە لە ئێستادا کێشەی داراییان نییە و دەتوانن مەرجی هەڵوەشاندنەوەی گرێبەستی ئەنتوان گریزمانی هێرشبەری ئەتڵەتیکۆ مەدرید دابین بکەن.
لەو بارەیەوە بە ڕۆژنامەی asی ئسیپانی گوت: “لە ڕووی ئابوورییەوە هیچ کێشەیەکی داراییمان نییە و دەتوانین بڕی هەڵوەشاندنەوەی گرێبەستەکەی گریزمان بدەین. بەڵام بابەتەکە لەسەر ئەو شتە نەوەستاوە.”
بەردەوامیی داوە قسەکانی و گوتی: “لە ئێستادا گریزمان یاریزانی یانەیەکیترە. ئێمەش ئەم وەرزە ئاستێکی باش پێشکەش دەکەین و لە ئێستادا بیر لە گرێبەستکردن لە گەڵیدا ناکەینەوە، چونکە پێموایە کاتێکی گونجاو نییە بۆ ئەوە.”
جێگرەکەی بارتۆمیۆ ڕوونیکردەوە کە لە ئێستادا ئامانجی وەزشیی لەبەرچاویانە وەک لە بابەتی دارایی.
