یاریگا
ڤینیسیۆس جونیۆر، هێرشبەری بەڕازیلی بەشداریی مەشقەکانی ئەمڕۆی ریال مەدریدی نەکردووە.
رادیۆی کادینا کۆپێ ئاشکارایکردووە، ڤینیسیۆس جونیۆر بە هۆکارێکی تایبەت مۆڵەتی لە ریال مەدرید وەرگرتووە و بەشداریی مەشقەکانی ئەمڕۆی نەکردووە، ماڵپەڕی ئۆکەی داریۆش ئاشکرایکردووە، ڤینی لە یارییەکەی سێڤییا هەستی بە هەندێک ئازار کردووە، بۆیە ریال مەدرید پشووی پێدەدات و بەشداریی یارییەکەی بیلباو ناکات بۆ ئەوەی بۆ مۆندیال مەترسی لەسەر دروست نەبێت.
کۆپێ ئاماژەی بەوەش کردووە، ئۆرێلیەن چوامێنی، ناوەڕاستکاری فەڕەنسی هەستی بە ئازار کردووە و بەشداریی مەشقەکانی ئەمڕۆی نەکردووە، سبەی دووبارە پشکنینی پزیشکی بۆ دەکرێتەوە بۆ ئەوەی بزانن بەشداریی یارییەکەی بیلباو دەکات ئاخود نا.
Vinícius, ausente con permiso del club por motivos personales.
Tchouaméni, en el interior debido a unas molestias en la tibia derecha. Mañana está previsto que pueda realizar al menos una parte con el grupo.
Trent sufre un proceso vírico.@RMadridistaReal https://t.co/SUmo9V1OVp pic.twitter.com/9r0Mherqtz
— Álvaro Esteban (@alvaro_esteban6) May 21, 2026
هەر بەگوێرەی هەمان سەرچاوە، ترێنت ئالێکساندەر ئاڕنۆڵد، بەرگریکاری ریال مەدرید بەهۆی هەندێک هەوکردن بەشداریی مەشقەکانی ئەمڕۆی نەکردووە.
شەممە 23ـی ئایاری 2026 ریال مەدرید لە کۆتا یاریی ئەم وەرزەی لالیگا لە بێرنابیۆ میوانداری بیلباو دەکات و یارییەکە کاتژمێر 22:00 بەکاتی هەولێر بەڕێوەدەچێت.
