یاریگا –
دوای ماڵئاواییە تاڵەکەی بەرامبەر بایرن میونشن، ریال مەدرید دەستیکردووە بە داڕشتنی نەخشەی وەرزی داهاتوو.
رۆژنامەی ئاس بڵاویکردووەتەوە، سەرەڕای هەموو دەنگۆکان، یانە مەدریدییەکە بڕیاریداوە کە ڤینیسیۆس جۆنیۆر و کیلیان ئێمباپێ وەکوو دوو ئەستێرەی سەرەکی پڕۆژەکەیان بمێننەوە.
La relación entre ambos es buena. Se han buscado durante gran parte de la campaña, aunque en ocasiones no se hayan encontrado.
✍️ Unknown pic.twitter.com/LVVWKPhSlx
— Diario AS (@diarioas) April 19, 2026
ڤینیسیۆس؛ نوێکردنەوەی گرێبەست بەر لە مۆندیال
بەگوێرەی زانیارییەکانی هەمان سەرچاوە، ڤینیسیۆس جونیۆر و ریال مەدرید لەسەر نوێکردنەوەی گرێبەستی نێوانیان گەیشتوونەتە رێککەوتنی کۆتایی و یانەکە لە کاتێکی گونجاو بە فەرمی رایدەگەیەنێت کە چاوەڕوان دەکرێت پێش ئەوەی ڤینی لەگەڵ هەڵبژاردەی بەڕازیل بەشداری مۆندیالی 2026 بکات، هەموو شتێک واژۆ بکرێت.
ئێمباپی؛ قەرزێک کە دەبێت بدریتەوە
سەبارەت بە کیلیان، ئەستێرە فەڕەنسییەکە خۆی یەکەم کەسە دان بەوەدا دەنێت کە ئەم وەرزە لە ئاست چاوەڕوانییەکاندا نەبووە. ئێمباپێ لە سۆشیاڵ میدیا نامەی بۆ هاندەران ناردووە و بەڵێنی داوە وەرزی داهاتوو بە شێوازێکی جیاواز بگەڕێتەوە. کارگێڕیی مەدریدیش متمانەی تەواوی پێیەتی و پێیان وایە کێشەی ئەژنۆی رێگر بووە لەوەی ئێمباپێی راستەقینە ببینین.
