یاریگا –
دۆخی تەندروستیی راوول ئاسێنسیۆ، بەرگریکاری لاوی یانەی ریال مەدرید بەرەو خراپتری چووە و بەگوێرەی دوایین زانیاریی رەوانەی نەخۆشخانە کراوە.
پێگەی کادینا کۆپێ بڵاویکردووەتەوە، ئاسێنسیۆ بەهۆی ڤایرۆسێکی نادیارەوە تووشی هەوکردنێکی توندی گەدە و ریخۆڵە بووە و ئێستا لە نەخۆشخانەیە بۆ ئەوەی پشکنینی وردی بۆ بکرێت.
بەگوێرەی زانیارییەکان، کاریگەری ڤایرۆسەکە هێندە توند بووە کە ئاسێنسیۆ تەنیا لە ماوەی دوو هەفتەدا 6 کیلۆگرام لە کێشی جەستەی لەدەستداوە. ئەمەش هۆکاری سەرەکی بوو کە رێگری لێکرد لە یاریی گەڕانەوەی قۆناخی چارەکی کۆتایی چامپیۆنزلیگ بەرامبەر بایرن میونشن ئامادەبێت و گەشتی ئەڵمانیا نەکات.
💥 Informa @miguelitocope
🏥 La gastroenteritis manda a Asencio al hospital
❌ Se pierde el partido ante el Alavés del marteshttps://t.co/K5ZEGgzonb
— Tiempo de Juego (@tjcope) April 18, 2026
سەبارەت بە کاتی گەڕانەوەی بۆ یاریگاکان، رۆژنامەنووس میگێل ئەنخێل دیاز ئاشکرای کردووە کە ئاسێنسیۆ بەدڵنیاییەوە ناتوانێت لە یارییەکەی شەوی سێشەممە لە لالیگا بەرامبەر یانەی ئالاڤێس لە بێرنابیۆ ئامادە بێت، بەڵام یاریزانەکە و تیمە پزیشکییەکە هیوادارن کە بتوانێت چاکببێتەوە و بۆ یاریی داهاتووتر بەرامبەر ریال بێتیس، کە بڕیارە رۆژی هەینی 24ـی نیسان بەڕێوەبچێت، ئامادە بێت.
