لە بەڕازیلەوە کارێکی سەرسوڕهێنەر دژی رەگەزپەرستی دەکرێت
یاریگا –
بەرەبەیانی 26ـی شووبات لە گەڕی چوارەمی خولی بەڕازیلی، کۆرێنتیانز میوانداریی کروزێرۆی کرد و بە گۆڵێک یەکسانبوون.
یاریزانانی کۆرێنتیانز بە دەستگرتن بەیەکەوە و گرتنی درێسەکانیان بە دەمیانەوە چوونە نێو یاریگای مینێیراو، درێسێکی سپیی تایبەتیان پۆشیبوو کە پەیامێکی توندی دژی رەگەزپەرستی لەسەر بوو. لەسەر درێسەکە نووسرابوو: “رەگەزپەرستی تاوانە”، هەروەها “مێژووی کۆرێنتیانز رەشە”، وەکوو ئاماژەیەک بۆ رەگی یانەکە لە کۆمەڵگەی رەشپێستانی بەڕازیل.
ئەمە ناڕەزاییەک بوو دژی رەگەزپەرستی لە تۆپی پێ، کۆرێنتیانز مێژووییەکی درێژی لەگەڵ رەشپێستەکان و هاندەرە کرێکارەکاندا هەیە، کە خودی یانەکە 1910 لەلایەن پەنابەرە هەژارەکانەوە دامەزرا و لە 2024ـەوە هەڵمەتی دژی رەگەزپەرستیان لەگەڵ کۆمپانیای نایک راگەیاندووە و تاوەکوو ئێستاش بەردەوامە.
🚨💣 𝐁𝐑𝐄𝐀𝐊𝐈𝐍𝐆: Corinthians players staged a powerful anti-racism protest as they entered the pitch at Mineirão. ✊🇧🇷
The special kit worn for the match against Cruzeiro featured strong messages against racism: “𝐑𝐚𝐜𝐢𝐬𝐦𝐨 é 𝐜𝐫𝐢𝐦𝐞.”
“A história do Corinthians é… pic.twitter.com/3OUq1vL1Cj
— Topskills Sports UK (@topskillsportuk) February 26, 2026
کۆرێنتیانز لە هەڵمەتەکانیاندا بەشێوازی تایبەت دێنەنێو یاریگاوە، یاریزانی لاو دەهێنن و دژی رەگەزپەرستی قسە دەکەن. زۆرێک لە هاندەران لە بەڕازیل و تەواوی جیهان ئەم هەڵوێستەی یانەکەیان بەدڵ بوو و پاڵپشتی دەکەن.
رەگەزپەرستی کێشەیەکی گەورەیە، فیفا دەڵێت؛ هەموو ساڵێک زیاتر لە 1000 کەیسی رەگەزپەرستی لە تۆپی پێی ئەمریکای باشوور هەیە.
