یاریگا –
جواو کانسێلۆ باس لە ئاسوودەیی خۆی دەکات دوای ئەو ئاستەی ئەمشەو لەگەڵ بارسێلۆنا پێشکەشی کرد کاتێک 3-0 لە لیڤانتێیان بردەوە و گەڕانەوە بۆ پێشەنگی ریزبەندیی خولی ئیسپانیا.
ئەستێرە پۆرتوگالیەکە دوای وەرز و نیوێک لەیەکەم وادەی لەگەڵ بارسێلۆنا، جارێکیتر لە مانگی یەنایەری ئەم ساڵ بەخواستن گەڕایەوە بۆ ریزی کاتالوونیەکان، ئەوەش دوای ناکۆکی لەگەڵ سیمۆنی ئینزاگی راهێنەری هیلال.
لە یارییەکەی ئەمشەودا کانسێلۆ ئەسێستی گۆڵی دووەمی یانەکەی کرد بە پاسێکی نایاب بۆ فرانکی دی یۆنگ.
دوای بردنەوەکە جواو باسی لەو ئاستەنگیانە کرد لە رووی جیاوازیی توانای جەستەیی لە یەکەم ساتی پەیوەندیکردنی بە بلاوگرانا لەچاو یاریزانەکانی دیکەی تیمەیە هانزی فلیک. هاوکات ئاماژی بەو خواستە زۆرەکەی راهێنەرە ئەڵمانییەکە کرد و وتی
لە باشترین شێوەی خۆمدا نەبووم کاتێ لە هیلالەوە پەیوەندیم بە بارسێلۆناوە کرد. لە هەمان ئاستی جەستییدا نەبووم لەچاو هاوتیمەکانی دیکەم. ئێستا وا دەگەڕێمەوە بۆ ئاستی خۆم، ئەوەش هەنگاو بە هەنگاو. فلیک داواکاریی زۆری لێم هەیە، یانەکەش هەرخۆی وایە… ئەوەم بەدڵە.
💙❤️ João Cancelo: “I wasn’t in my best shape when I joined Barça from Al Hilal, I was not at the same physical level as my teammates”.
“I’m returning to my level now, step by step. Flick is very demanding, the club as well… I love that”. pic.twitter.com/TpPkGMSo5u
— Fabrizio Romano (@FabrizioRomano) February 22, 2026
بەو بردنەوەیە کە لە هەفتەی 25ی لالیگادا بوو، ئێستا بارسا بە کۆکردنەوەی 61 خاڵ پێشەنگی ریزبەندییەکەیە بە جیاوازیی خاڵێک لەگەڵ ریال مەدریدی رکابەری هەمیشەیی.
