یاریگا –
بەهۆی ئاستە نائومێدکەرەکەی بەرامبەر ئۆساسۆنا، فلۆرێنتینۆ پێرێز تووڕەیە و بڕیاریداوە دەستبەرداری دانی سێبایۆس، ناوەڕاستکاری ئیسپانی ببێت.
شەوی رابردوو 21ـی شوباتی 2026 ریال مەدرید لە یارییەکانی گەڕی 25ـی لالیگا بووە میوانی ئۆساسۆنا و 2-1 یارییەکەی دۆڕاند و سێ خاڵی چارەنووسسازی لەدەستدا.
دانی سێبایۆس، ناوەڕاستکاری ریال مەدرید لە خولەکی 82 چووە شوێنی ئاردا گولەر، بەڵام ئاستێکی کارەساتباری پێشکەشکرد و لەماوەی پێنج خولەک دوو هەڵەی گەورەی کرد.
Dani Ceballos is a better passer than both Messi and Kevin De Bruyne combined bro let’s be honest. What a nice assist to the Osasuna goal tonight 😂
— FCBGavi (@tculer4) February 21, 2026
هەرچەندە هەڵەی یەکەمی پەردەپۆشکرا، بەڵام هەڵەی دووەمی بووە هۆی هێرشێکی پێچەوانە و گورزێکی گەورە بەر مێرێنگی کەوت و گۆڵی دووەمی یارییەکەی لێکرا.
سێبایۆس دوای یارییەکە لە هەژماری فەرمی خۆی داوای لێبوردن لە هاندەران دەکات و نووسیویەتی: بەرپرسیارییەتی هەڵدەگرم.
سێبایۆس لە هاوینی 2027 گرێبەستەکەی لەگەڵ ریال مەدرید بەسەردەچێت، بەهای ئێستای لە بۆڕسەی یاریزانان 8 ملیۆن یۆرۆیە و پێرێز بڕیاریداوە لە هاوینی داهاتوو دەستبەرداری ببێت.
