تەواو؛ راهێنەری یانەیەکی گەورەی پرێمەرلیگ دوورخرایەوە
یاریگا –
تۆماس فڕانک، راهێنەری تۆتنهام هۆتسپێرز لە پۆستی راهێنەرایەتی یانەکە دوورخرایەوەە.
رۆژنامەنووسی تۆڕی ئاتلێتیک دەیڤد ئۆرنشتاین بڵاویکردووەتەوە، تۆماس فڕانک لە پۆستی راهێنەرایەتی تۆتنهام دوورخراوەتەوە و چیدیکە راهێنەری یانەکە نییە.
بەگوێرەی هەمان سەرچاوە، ئێستا یانە لەندەنییەکە بەدوای شوێنگرەوەیەکی گونجاو دەگەڕێت تاوەکوو وەکوو راهێنەری نوێی یانەکە دەستنیشانی بکات.
🚨 EXCLUSIVE: Thomas Frank sacked as Tottenham Hotspur head coach. #THFC working through various possible contingency plans to replace 52yo Dane as club sit 14th in Premier League – 5 points above relegation zone after 2 wins from 17 matches @TheAthleticFC https://t.co/wy09K1KjjB
— David Ornstein (@David_Ornstein) February 11, 2026
سپێز لەدوایین 8 یاریی پرێمەرلیگ تامی بردنەوەی نەکردووە، لەدوایین 17 یاریی خولەکە تەنیا دوو یاریی بردووەتەوە و تەنیا 5 خاڵ لە ناوچەی دابەزین دوورە.
شەوی رابردوو تۆتنهام لەدوایین یاریی بە سەرپەرشتی فڕانک رووبەڕووی نیوکاسڵ یونایتد بووەوە و 2-1 یارییەکەی دۆڕاند. تۆتنهام لە چامپیۆنزلیگ پلەی چوارەمی بەدەستهێنا و راستەوخۆ بۆ قۆناخی 16 سەرکەوت.
فڕانک لە هاوینی رابردوو پەیوەندی بە تۆتنهام کرد و گرێبەستێکی بۆ ماوەی سێ وەرز لەگەڵ یانەکە واژۆکرد بەڵام بەهۆی ئەنجامە خراپەکانی تەنیا نیو وەرز مایەوە.