رووداوێکی تەواو نامۆ؛ شەوی رابردوو لەپشت گۆڵەکەی سەنیگال چی روویدا؟
یاریگا –
شەوی رابردوو سەنیگال لەسەر حسابی مەغریبی رێکخەری پاڵەوانێتیەکە بووە پاڵەوانی جامی نەتەوەکانی ئەفریقا، لە یارییەکدا کە رووداوی زۆری تێدابوون و کاردانەوەی زۆری دروستکرد. لەم راپۆرتەی خوارەوەدا وردەکارییەکان بخوێنەوە:
رووداوەکان هەر ئەوانە نەبوون کە دەرهێنەری یارییەکە زوومی کامێراکەی خستبووەسەر، ئێستا دیمەنی سەیروسەمەرەی زیاتر لە میدیا و پلاتفۆڕمەکانی سۆشیاڵ میدیا بڵاوبووەتەوە و لە تازەترین گرتەی ڤیدیۆییدا پێکهەڵپژانی تۆپهێنەرەوەکانی نێو یاریگا و یەهڤان دیۆفی گۆڵپارێزی یەدەگی سەنیگال بڵاوکراوەتەوە.
وەک لە پێگە عەرەبیەکاندا باسکراوە، دیۆف بەدرێژایی یارییەکە بە خۆی و خاولیەکەوە ئێدوارد مێندی گۆڵپارێزی یەکەمی سەنیگال لە تەڕبوونی زیاتر دەپارێزێت کە بارانی بەلێزمەی بەسەردا دەباری.
نەک هەر تۆپهێنەرەوەکان، دیۆف بەجۆرێک دەستبەرداری خاولیەکە و ئەرکەکەی نابێت، تا دەگاتە ئەوەی پیاوانی ئاسایشی نێو یاریگا دەستوەردان بکەن بۆ رەواندنەوەی گرژیەکە.
دیمەنەکە ببینە:
🇸🇳
يهفان ضيوف حارس السنغال الاحتياطي كان يحرس المنشفة الخاصة للحارس ادوارد ميندي طوال المباراة رغم المضايقات
— EPL World (@EPLworld) January 19, 2026
