یاریگا –
رۆکۆ کۆمیسۆ خاوەن و سەرۆکی یانەی فیۆرێنتینای ئیتاڵی لە تەمەنی 76 ساڵیدا کۆچی دوایی کرد.
رۆکۆ کۆمیسۆ، خاوەنی یانەی فیۆرێنتینا و سەرۆکی دەستەی بەڕێوەبەری کۆمپانیای پەیوەندییەکانی میدیاکۆم، لە تەمەنی 76 ساڵیدا کۆچی دوایی کرد، ئەمڕۆ فیۆرێنتینا و میدیاکۆم لە بەیاننامەیەکی فەرمی و هاوبەشدا کۆچی دوایی کۆمیسۆیان راگەیاند، بەڵام هۆکاری گیانلەدەستدانی سەرۆکەکەیان ئاشکرا نەکرد.
فیۆرێنتینا لە بەیاننامەیەکدا رایگەیاندووە، سەرۆکی خۆشەویستمان دوای ماوەیەکی زۆر لە چارەسەر وەرگرتن دواجاە بەجێی هێشتین و ئەمڕۆ هەموومان ماتەمینی بۆ کۆچی دواییەکەی دەگێڕین. خۆشەویستی ئەو بۆ فیۆرێنتینا گەورەترین دیاری بوو کە تا ئێستا بە خۆی بەخشیبێت.
MEDIACOM COMMUNICATIONS ANNUNCIA LE DISPOSIZIONI PER LE VISITE E LE ESEQUIE DI ROCCO B. COMMISSO
➡️ https://t.co/fp3WVuWJwn pic.twitter.com/85pReqnhoz
— ACF Fiorentina (@acffiorentina) January 17, 2026
دوای ئەوەی کۆمپانیای میدیاکۆمی کردە یەکێک لە گەورەترین کۆمپانیاکانی کەیبڵ تیڤی لە ئەمریکا، کۆمیسۆ لە ساڵی 2019 یانەی فیۆرێنتینای کڕی و بەهۆی رەخنەی راشکاوانە لە بیرۆکراسی ئیتاڵیا و شکستهێنانی لە دروستکردنی یاریگای نوێ بووەتە یەکێک لە سەرۆکە سەرنجڕاکێشەکانی ئەو وڵاتە بۆ هاندەرانی تۆپی پێ. کۆمیسۆ لە شاری کالابریا لەدایکبووە و لە تەمەنی 12 ساڵیدا رووی لە ئەمریکا کردووە، هەروەها خاوەنی یانەی تۆپی پێی نیویۆرک کۆسمۆس بووە و لە زانکۆی کۆڵۆمبیا یاری تۆپی پێی کردووە و بەردەوامە لە سپۆنسەرکردنی. یاریگای تۆپی پێی زانکۆکە بە ناوی ئەوەوە ناونراوە.
کۆمیسۆ لە فیۆرێنتینا، ئاهەنگی گەیشتنی تیپەکەی بۆ یارییەکانی کۆتایی یۆرۆپالیگ لە ساڵانی 2023 و 20245 گێڕا، بەڵام فیۆرێنتینا لەم وەرزەدا ئەنجامەکەی بە دڵی هاندەران نییە و لە ناوچەی دابەزینی سێریا ئەیدایە.
