“ئەگەر پێش کەرەنتینە ڕیاڵ سەرووی ڕیزبەندیی لالیگا بوایە، ئەوا دەیانکردە پاڵەوانی ئەم وەرزە”

یاریگا- خوان گاسپارد، سەرۆکی پێشووتری یانەی بارسێلۆنا ڕەخنە لە یەکێتی تۆپی ئیسپانیا و دەگرێت بەوەی ڕێز لە بارسا ناگیردرێت.

لە لێدوانێکیدا کە ڕۆژنامەی مۆندۆ دیپۆرتیڤۆی ئیسپانی بڵاوی کردۆتەوە، ئەو گاسپارد ڕەخنەکانی بەم شێوە دەخاتە ڕوو: “ئەگەر پێش کەرەنتینە ڕیاڵ مەدرید پێشەنگی لالیگا بوایە، ئەوا وەرزەکەیان کۆتایی پێ دەهێنا و ڕیاڵیان وەک پاڵەوانی ئەم وەرز دەستنیشان دەکرد.

ناوبراو وتیشی: “ڕێز لە بارسێلۆنا ناگیردرێت، وە نیازێکیش هەیە کە نەبێتە پاڵەوان.”

گاسپارد لە نێوانی ساڵانی 2000-2003 سەرۆکی یانە کەتەلۆنییەک بووە.

خولی ئیسپانی بەهۆی سەرهەڵدانی کۆرۆناوە لە هەفتەی 27 وەستێنرا. بارسێلۆنا بە جیاوازی دوو خاڵ لە ڕیاڵی ڕکابەری کە پلەی دووەمە، دوورە.