دەگمەنترین کاتژمێر لە جیهان؛ ئەو کاتژمێرەی پێشکەشی مێسی کرا نرخی چەند بوو؟
یاریگا –
لیۆنێل مێسی، ئەفسانەی ئەرجەنتینی و هێرشبەری ئینتەر مەیامی لە کاتی گەشتەکەیدا بۆ هیندستان دیارییەکی گرانبەهای پێشکەشکرا کە سەرنجی هەمووانی بۆ لای خۆی راکێشا.
مێسی لە کاتی سەردانی ڤانتارا کە ناوەندێکی پاراستنی گیانلەبەرە کێوییەکانە و لەلایەن ئانانت ئەمبانی کوڕی دەوڵەمەندترین بازرگانی هیندستان پێشوازی لێکرا و کاتژمێرێکی بە بەهای زیاتر لە یەک ملیۆن دۆلاری بە دیاری پێشکەشی مێسی کرد. کاتژمێرە لوکسەکە بڕاندی ریچارد میل RM 003-V2ـە، یەکێکە لە دەگمەنترین کاتژمێرەکانی جیهان، تەنها 12 دانەی لە جیهاندا هەیە. ئەم کاتژمێرە بە نزیکەی یەک ملیۆن و 100 هەزار دۆلار مەزەندە دەکرێت.
🇮🇳⌚️ While in India, Lionel Messi was presented with an exceptionally rare Richard Mille RM 003 V2 “Asia Edition,” gifted by Anant Ambani.
Considered one of Richard Mille’s earliest and most legendary creations, the timepiece is valued at approximately $1.1M on the market. pic.twitter.com/KzvIEotTjI
— CentreGoals. (@centregoals) December 17, 2025
کاتژمێرەکە لەلایەن ئانانت ئەمبانی کوڕی دەوڵەمەندترین کەسی هیندستان پێشکەشکرا و سەرنجی میدیاکان و هەوادارانی بۆ لای خۆی راکێشا. سەردانەکەی مێسی بۆ ڤانتارا لوتکەی یەکەم گەشتی بوو بۆ هیندستان، لەو ماوەیەدا سەردانی چوار شاری ئەو وڵاتەی کرد کە بریتین لە مومبای، نیودەلهی، حەیدەراباد و کۆلکەتا.
سەردانەکەی مێسی بۆ مۆمبای مشتومڕێکی زۆری بەدوای خۆیدا هێنا و ئالۆزییەکی زۆری هاندەرانی لێکەوتەوە، بەڵام سەردانی بۆ شارەکانی دیکە هێمن و بێ رووداو بوون. لەم گەشتەدا لەگەڵ هاوڕێکانی، لویس سوارێز و رۆدریگۆ دی پاوڵ، بەشداری لە بۆنە رۆشنبیری و کۆمەڵایەتییە جیاوازەکانی هیندستان کرد.
