یاریگا –
ریال مەدرید بۆ سێیەم یاریی لەسەریەک لە خولی ئیسپانی نەیتوانی بردنەوە تۆماربکات و ئەمشەویش لە هەفتەی 14ی خولی ئیسپانی بەرامبەر جێرۆنا بە گۆڵێک بۆ هەردوولا لە نێو یاریگای تیمی دژبەر گەڕانەوە بۆ ماڵەوە.
تیمەکەی چابی ئاڵۆنسۆ خراپی لێ قەوماوە، لە کۆتا پێنج یاریی خۆیاندا لە سەرجەم پاڵەوانێتیەکاندا تەنها بردنەوەیەکیان هەیە ئەویش بە زەحمەتیەکی زۆر 3-4 بەرامبەر ئۆڵۆمپیاکۆس. لیڤەرپوول بە شکست، رایۆ ڤاییاکانۆ و ئێڵچی بە یەکسانبوون بۆ شاهانەکان کۆتایی هات.
گۆڵی یەکسانبوونەکەی ئەمشەویشیان لە رێگەی لێدانی سزا بوو کە کیلیان ئێمباپێ لە خولەکی 67 تۆماری کرد.
بەگوێرەی ئامارەکان، لە دەستپێکی وەرزەکەوە تا ئێستا لە سەرجەم پاڵەوانێتیەکاندا 10 جار لێدانی سزا بۆ مەدریدیەکان هەژمارکراوە.
ژمارەکان دەریدەخەن کە تەنها لە خولی ئیسپانی 7 جار لێدانی سزایان بۆ گیراوە، لەکاتێکدا نزیکترین یانە لێیانەوە تەنها 3 جار بووە.
بەو یەکسانبوونە، ریال پێشەنگی بۆ بارسێلۆنای رکابەری لەدەستدا. ئێستا بە کۆکردنەوەی 33 خاڵ و بە خاڵێک کەمتر لەدوای رکابەرە مێژووییەکەیەوە دێت.
