یاریگا –
لیڤەرپوول بە بردنەوەکانی شادبووەوە بەڵام بەبێ بەشداریکردنی محەمەد سەڵاحی ئەستێرەی یەکەمی یانەکە لە چەند ساڵی رابردوودا.
رێدز سێ یاریی لەسەریەک بوو لە پرێمەرلیگ و چامپیۆنزلیگیش جگە لە شکست هیچی دیکەی نەبوو پێشکەشی هاندەرانی بکات. بەڵام ئەمشەو هەفتەی 13ی خولی ئینگلیزی کردە دەستپێکی گەڕانەوە و لە نێو یاریگای وێستهام توانی 0-2 بە بردنەوە دەربچێت. ئەوەی تێبینی دەکرا لە پێکهاتەی سەرەکیی ئارنە سڵۆت، چەند گۆرانکارییەک بوو لە پێکهاتەکەیدا کە دیارترینیان دوورخستنەوەی سەڵاح بوو لە پێکهاتەی سەرەکی. لە بەرامبەردا ئالێکساندەر ئیزاک بەکارهێنرا.
سەڵاح یەکێکە لەو چەکە گەورانەی لیڤەرپوول کە ئەم وەرزە پاشەکشەیەکی گەورە بە ئاستیەوە دەردەکەوێت. ژمارەکانیشی ئەوە دەسەلمێنن. لە 12 بەشداریی پرێمەرلیگ 4 گۆڵ و 2 ئەسێست و، لە چامپیۆنزلیگیش دوای 5 هەفتە تەنها گۆڵێک و ئەسێستێکی هەیە. دوای یارییەکە راهێنەرە هۆڵەندییەکە پەیوەست بە یەدەکنیشین کردنی سەڵاح وتی
لەماوەی 10 رۆژدا 4 یاریی دەکەین. جاری وا هەیە ئاێکساندەر لەسەر کورسی یەدەک دەبێت، هەندێ جار فلۆریان. ئەوە بژاردەیەکی 11 یاریزانییە. بڕیاردان لێی ئاسان نییە. جاری یەکەمیشم نییە وامکردبێت.
🚨 Mo Salah, benched for Liverpool today.
Arne Slot: “We play 4 games in 10 days. Sometimes Alex is on the bench, sometimes Florian. This is the 11 I chose today. It’s never an easy decision to make, it’s not the first time I’ve done this”. pic.twitter.com/ZrAnApXarP
— Fabrizio Romano (@FabrizioRomano) November 30, 2025
ئیزاک لە یارییەکەدا بە تۆمارکردنی گۆڵ وەڵامی بڕیارەکەی سڵۆتی دایەوە کاتێک لە خولەکی 60 یانەکەی پێشخست. پێش فیکەی کۆتاییش خاکپۆ گۆڵی دڵنیایی و سێ خاڵی یارییەکەی تۆمارکرد و ژمارەی خاڵەکانیان بۆ 21 بەرزکردەوە. ئێستا لە پلەی هەشتەمن.
