یانەی یوڤێنتۆسی ئیتاڵی بێ بەش دەبێت لە تواناکانی دوشان ڤلاهۆڤیج تاوەکو کۆتایی ئەمساڵ.
دوێنێ دوشان تووشی پێکان هات لە یاری یانەکە بەرامبەر کالیاری و لە خولەکی 30 یاریگای جێهێشت. دوای یارییەکە سپالێتی راهێنەر ئاشکرایکرد ناوبراو پێکانی هەیە. ئەمڕۆش گازیتا دیلۆ سپۆرت دەڵێت هەرچەندە سبەینی پشکنینی کۆتایی بۆ ئەنجام دەدرێت بەڵام ئەوە یەکلابووەتەوە لە سێ یارییە زەحمەتەکەی بەرامبەر ناپۆلی، بۆلۆنیا و رۆما بەشداری ناکات.
یۆڤی لە کۆتا دوو یاریدا براوە بووە بەڵام هێشتا ئاست و ئەنجامەکانی دڵخۆشکەر نین و لە ریزبەندی حەوتەمی خولەکەیە. وە سێ یاری داهاتووی خولی ئیتاڵی بەرامبەر ئەو یانانەیە کە لە پێش ئەوانەوەن لە ریزبەندی خولی وڵاتەکە. ئەمە جگە لە یارییەکی جامی ئیتاڵیا بەرامبەر ئودێنسی و یارییەکی چامپیۆنزلیگ بەرامبەر پافۆس.
ناوبراو لەم وەرزەدا بەشداری 13 یاری کردووە لە خولی ئیتاڵیدا بەڵام تەنها سێ گۆڵی تۆمارکردووە. لە چامپیۆنزلیگ ئامارەکانی باشترن و لە چوار یاریدا خاوەنی سێ گۆڵ و ئەسیستێکە.
