نۆیەر داهاتووی خۆی یەکلایی دەکاتەوە و باس لە گەڕانەوەی بۆ مانشافت دەکات

یاریگا –

مانوێل نۆیەر، گۆلپاریزی ئەڵمانی بایرن میونشن،  جارێکی دیکە جەختی لەوە کردەوە کە نیازی گەڕانەوەی بۆ هەڵبژاردەی ئەڵمانیا نییە و باسی لە کاتی نوێکردنەوەی گرێبەستەکەی لەگەڵ یانەکەی کرد.

لەمڕۆژانەدا بەردەوام بانگەشەی گەڕانەوەی نۆیەر بۆ ریزی پێکهاتەی مانشافت دەبیسترێت، بەڵام گۆڵپارێزەکە جارێکی دیکە ئەو دەنگۆیانەی رەتکردەوە کە باس لەوە دەکەن لە مۆندیالی ساڵی داهاتوودا یاری بکات، ئەمەش لەکاتێکدایە نیگەرانی ئەوە هەیە کە مارک ئەندرێ تێر شتیگنی گۆڵپارێزی بارسێلۆنا بەهۆی کەمی یارییەکردنەوە جەستەی ئامادە نەبێت.

نۆیەر دوای بردنەوەی بایرن میونشن بە ئەنجامی 3-1 لە سانت پاولی لە بۆندسلیگا لە لێدوانێکیدا بۆ سکای سپۆرت گوتی:

بڕیاری وازهێنانم لە تۆپی پێی نێودەوڵەتی بڕیاریی کۆتاییە. سەرنجم لەسەر یانەکەمە. هەڵبژاردەکەمان لە دەستێکی ئەمیندایە، ئۆلیڤەر باومانی بەشداری لە هەر شەش یارییەکەی ئەڵمانیا بۆ پاڵاوتنەکانی مۆندیالی 2026 کردووە، تیپەکە راستەوخۆ بۆ مۆندیال سەرکەوت.

🚨👀 Manuel Neuer on contract due to expire in June: “New deal? The crucial factor will be how I feel. We’ll see in the second half of the season”.

“I will think about it more towards March during the international break”, told SkyDE. pic.twitter.com/u0FBa7KdgJ

— Fabrizio Romano (@FabrizioRomano) November 29, 2025

نۆیەر کە ساڵی داهاتوو تەمەنی دەبێتە 40 ساڵ، تاوەکوو ئێستا بڕیاری درێژکردنەوەی گرێبەستەکەی لەگەڵ بایرن بۆ ماوەی یەک ساڵ نەداوە. نۆیەر جەختی لەوە کردەوە کە تا ئێستا نازانێت کەی و چۆن بڕیارەکەی دەدات و سەبارەت بەم بابەتە گوتی:

هەموو شتێک بەندە بە هەستەکانمەوە، بەتایبەتی لە نیوەی دووەمی وەرزدا ئەوکاتە دەتوانم بڕیار بدەم. پێدەچێت لە مانگی ئازاردا لە کاتی پشووی نێودەوڵەتی زیاتر بیری لێبکەمەوە.

یۆناس یۆربیگی لاو کە لە سەرەتای ئەمساڵ پەیوەندی بە بایرن میونشنەوە کرد، بە هەڵبژاردەی یەکەم بۆ جێگرتنەوەی نۆیەر دادەنریت و پێشتر لە چەند یارییەکدا بەشداری کردووە. لەلایەکی دیکەوە، بایرن دوو گۆڵپارێزەکەی، ئەلێکساندەر نۆبڵ و دانیێل پریتزی بە خواستن داوەتە یانەی شتوتگارت و هامبۆرگ، کە رەنگە لەداهاتوو لەئەگەری پێویستی بگەڕینەوە.