رێگە نادرێت هەڵبژاردەیەکی سەرکەوتوو بۆ مۆندیالی 2026 ئامادەی تیروپشکەکە بێت

یاریگا –

هەفتەی داهاتوو لە ویلایەتە یەکگرتووەکانی ئەمریکا تیروپشک بۆ دابەشبوونی هەڵبژاردە سەرکەوتووەکانی مۆندیالی 2026 ئەنجامدەدرێت بۆ دیاریکردنی قۆناخی کۆمەڵەکانی ئەو پاڵەوانێتیە.

ئێستا تەنها چەند هەڵبژاردەیەک ماوە ناسنامەیان بۆ ئەو جامی جیهانی دەربکەوێت، ئەوانیش چوونەتە پاشکۆوە و چارەکی یەکەمی ساڵی ئاییندە ئاشکرادەبێت. تێیاندا هەڵبژاردەی عێراقە.

بەگوێرەی زانیاریی سەرچاوە میدیاییەکان لە ئێران، کە هاوکات میدیای ئەوروپیش بایەخی پێداوە، شاندی ئێران مامەڵەی فیزاکانیان رەتکراوەتەوە لەلایەن حکومەتی ئەمریکاوە.

زانیارییەکە لەلایەن ئەمیر مەهدی عەلاویی وتەبێژی هەڵبژاردەی تۆپی پێی ئێرانەوە بڵاوکراوەتەوە کە بۆ دەزگای فەرمی ئێران لێدوانی داوە.

مەهدی دەڵێت بڕیارەکە سیاسییە و تێکەڵ بە وەرزش کراوە. بۆ چارەسەری ئەو مەبەستەش پەیوەندیمان بە فیفاوە کردووە بەڵام وەڵامی دەستبەجێمان وەرنەگرتووەتەوە.

ئەمانە ئاکامی بڕیارێکی دۆناڵد ترەمپی سەرۆکی ئەمریکایە کە لە مانگی مایۆ/حوزەیرانی ئەم ساڵ بڕیاری قەدەخەکردنی سەفەری دا بەسەر هاوڵاتیانی 12 وڵاتی جیهان بۆ نێو ئەمریکا. لەنێویاندا ئێران و هایتی هەن، کە ئەمەی دواییشیان هەفتەی رابردوو سەرکەوتنی بۆ مۆندیالەکە یەکلایی کردەوە.

Iran has decided to boycott the 2026 World Cup draw in Washington next week because the U.S. denied visas to members of its delegation, the state-run IRNA news agency reported on Friday. https://t.co/YmdcSflyhA

— ESPN FC (@ESPNFC) November 28, 2025