یاریگا –
ئەندرێس ئینێستا، ئەفسانەی تۆپی پێی ئیسپانی و یانەی بارسێلۆنا، نهێنییەکانی شێوازی یاریکردنی، پەیوەندی لەگەڵ هاوڕێیانی، و کاریگەریی پێپ گواردیۆلا لەسەر ژیانی وەرزشی ئاشکرا دەکات.
ئینێستا له دیمانه‌یه‌كی له‌گه‌ڵ تۆڕی ئاتلێتك باسی چه‌ند خالێكی گرنگی كاروانی یاریی كردنی و ئه‌و گۆله ده‌كات كه له یانه‌ی چێلسی تۆماركرد و تیپه‌كه‌ی گه‌یانده یاریی كۆتایی و نازناوی یانه پاڵه‌وانه‌كانی ئه‌وروپایان برده‌وه.
شێوازێکی تایبەتی لێدانی تۆپ
ئینێستا بە شێوازێکی تایبەتی لێدانی تۆپ ناسراوە کە بە “کرۆکێتاکان” (croquetas) ناودەبرێت.
“کرۆکێتاکان” شێوازێکی تایبەتی لێدانی تۆپە کە ئینێستا بەکاری دەهێنا. ئەم جووڵەیە بریتییە لە گواستنەوەی خێرای تۆپ لە نێوان هەردوو پێی یاریزانەکەدا، بە شێوەیەک کە یاریزانەکە بە یەکەم لێدان تۆپەکە دەباتە لایەک و بە لێدانی دووەم بە خێرایی دەیگوازێتەوە بۆ لایەکی تر، بەمەش یاریزانی بەرامبەر تووشی سەرلێشێوان دەکات و بە ئاسانی تێی دەپەڕێنێت. ئەم ناوە لە جووڵەی تۆپەکەوە هاتووە کە لە نێوان هەردوو پێیدا دەگوازێتەوە.
We interviewed Andrés Iniesta to talk about football on the eve of Barça’s visit to Stamford Bridge
◾Croquetas, scannings, iconic goals
◾His telepathy with Xavi and Busquets
◾Guardiola’s prophecyThis is how he sees his football a year after retiringhttps://t.co/I1rFsLG3Iv
— Laia Cervelló Herrero (@Laia_Cervello) November 25, 2025
ئینێستا ئاماژە بەوە دەکات کە ئەم شێوازەی لە مایکل لاودروپەوە وەرگرتووە، کە یەکێک بووە لە پاڵەوانەکانی.
“پاڵەوانەکانی من گواردیۆلا و مایکل لاودروپ بوون، لێدانی تۆپەکەی لاودروپ، کە بە شێوەیەکی نایاب ده‌یكرد، ئیلهامبەخش بوو بۆ من. پاشان هەوڵم دەدا لە راهێنانەکان، لە یارییەکاندا، و لە کۆتاییدا بوو بە بەشێک لە شێوازی یاریکردنم. شتێک بوو کە هەستم پێی ئاسوودە بووم و بە گشتی بە باشی كاره‌كه‌كه‌م ده‌كرد.
پەیوەندی لەگەڵ چاڤی و بۆسکێتس
یەکێک لە بەهێزترین هێڵەکانی ناوەڕاست لە مێژووی تۆپی پێ، هێڵی ناوەڕاستی بارسێڵۆنا بوو کە لە چاڤی هێرناندێز، سێرخیۆ بۆسکێتس، و ئەندرێس ئینێستا پێکهاتبوو. ئینێستا باس لەوە دەکات کە تێگەیشتنی نێوانیان پەیوەندییەکی به‌هێز بووە، کە بە تێپەڕبوونی کات و زیرەکی هاوڕێیانی دروست بووە.
“وەک کاتێک لەگەڵ کەسێکی تردا دەژیت، کات رێگەت پێدەدات کە زۆر باشتر بیانناسیت، لە خوو و خواردنەوەکانیان، جووڵەکانیان، ئەوەی کە پێی ئاسوودەن و ئەوەی کە پێی ئاسوودە نین، بزانیت. هەروەها زۆر پەیوەستە بە زیرەکی کەسانی ترەوە، هەردوو یاریزانی هاورێم چاڤی و بۆسی لە باشترین یاریزانەکانن، بۆیە بە دڵنیاییەوە ئەمە تێگەیشتن لە یەکتر ئاسانتر دەکات.”
ئینێستا جەخت لەسەر ئەوە دەکاتەوە کە چاڤی و بۆسکێتس لە هەموو لایەنێکەوە باشتر کردووە، بەتایبەتی لە ڕووی بینین و زیرەکی یاریکردنەوە.
پێشبینییەکەی گواردیۆلا
لە کاتی چاوپێکەوتنەکەدا، ئینێستا باس لەوە دەکات کە چۆن پێپ گواردیۆلا، راهێنەری پێشووی بارسێلۆنا، رۆڵێکی سەرەکی هەبووە لە گۆڕینی شوێنی یاریکردنی. لە سەرەتادا ئینێستا وەک یاریزانی ناوەڕاستی بەرگری یاریی دەکرد، بەڵام گواردیۆلا لە 2008 گواستییەوە بۆ ناوەڕاستی هێرشبەر لەگەڵ چاڤی و بۆسکێتس.
لە راپۆرتەکەدا ئاماژە بەوە کراوە کە پێشتر لەناو یانەکەدا باوەڕ وابوو کە چاڤی و ئینێستا ناتوانن پێکەوە یاری بکەن بەهۆی ناتەوازی جەستەیی، بەڵام گواردیۆلا ئەو پێشبینییەی گۆڕی و یەکێک لە باشترین هێڵەکانی ناوەڕاستی مێژووی دروست کرد
گۆڵەکەی چێڵسی و خوێندنەوەی یاریی
یەکێک لە ساتە هەرە لەبیرنەکراوەکانی ژیانی وەرزشی ئینێستا، گۆڵەکەیەتی بەرامبەر بە یانەی چێڵسی لە یاری گەڕانەوەی قۆناخی پێش کۆتایی خولی یانە پاڵەوانەکانی ئەوروپا لە 2009، کە بە “گۆڵی ستامفۆرد بریج” ناسراوە. ئەم گۆڵە بووە هۆی گەیشتنی بارسێلۆنا بە یاریی کۆتایی و بردنەوەی نازناوەکە.
ئینێستا باس لەوە دەکات کە چۆن وەک یاریزانێکی ناوەڕاست، بەردەوام چاودێری دەوروبەری دەکات و هەموو شتێک لە ژێر کۆنترۆڵدایە و خوێندنەوەی بەردەوامی له یارییه‌كان هه‌یه، ئەو چرکە زیادەی پێدەبەخشێت بۆ ئەوەی بڕیاری دروست بدات.
“تۆ لە ناوەڕاستدایت، دەبێت بزانیت چۆن سەیری پێشەوەت، پشتەوەت، و لایەکانت بکەیت. هێڵی ناوەڕاست بزوێنەر یان گەرمی پێویستی تیپەکەیە، ئەو هەستە یان زانینەی کە چی روودەدات، چی لە پشتتە پێش ئەوەی تۆپەکە وەربگریت، هەموو ئەو شتانە ئەو چرکە زیادەی سوودەت پێدەدەن بۆ ئەوەی بڕیارێک بدەیت.”
له كۆتاییدا ئێنێستا ده‌ڵێت،
له‌گه‌ڵ بارسێڵۆنا سه‌رده‌مێكی زێرینمان به‌سه‌ر بردوو نازناوی گه‌وره‌مان برده‌وه، بارسێلۆنا تیپێكی مه‌ترسیداربوو له‌سه‌ر ئاستی ئه‌وروپا و به‌هیوام یانه‌كه دووباره بگه‌رێته‌وه سه‌ر رێره‌وی نازناوه‌كان و بتوانێت زۆرترین نازناو بباته‌وه.
