میلان گرێبەستی ئەستێرەیەکی نوێدەکاتەوە
دوایین پەرەسەندن لەبارەی هێشتنەوەی یەکێک لە ئەستێرەکانی ئەوروپا لە سان سیرۆ
یاریگا –
ئەیسی میلان لە چەند هەفتەی رابردوودا، تەواوی هەوڵەکانی بۆ دەستپێکردنەوەی گفتوگۆکانی نوێکردنەوەی مایک ماینان، گۆڵپارێزی یانەکە دەستپێکردووە.
رۆژنامەی لا گازێتا دێلۆ سپۆرت بڵاویکردووەتەوە، دوای ماوەیەک لە سڕبوونی کەیسی گفتوگۆی نێوان ماینان و میلان، ئێستا جارێکی دیکە میلان ئۆفەرێکی نوێی پێشکەشی گۆڵپارێزە فەڕەنسییەکە کردووە.
بەگوێرەی زانیارییەکانی رۆژنامەکە، ئۆفەرە نوێیەکەی میلان بریتییە لە نوێکردنەوەی گرێبەستی ماینان بۆ دوو یان سێ ساڵ و بەرزکردنەوەی مووچەی ساڵانەی بۆ پێنج ملیۆن یۆرۆ، کە ئێستا مووچەکەی چوار ملیۆن یۆرۆیە.
Tutti vogliono Maignan: Juve e Premier lo tentano, il Milan prova a tenerlo. I dettagli dell’offerta https://t.co/7Iee1ZDcaQ
— La Gazzetta dello Sport (@Gazzetta_it) November 25, 2025
هەرچەندە پێشکەشکردنی ئۆفەرێکی لەمجۆرە بۆ گۆڵپارێزێکی 30 ساڵی بەشێوەیەک زیادە وەسف دەکرێت، بەڵام ئاست بەرزی ماینان لە ماوەی رابردوودا، یانە گەورەکانی ئەوروپای بەخەبەر هێنایەوە، بەتایبەت چەند یانەیەکی پرێمەرلیگ لە ئیتاڵیا، یوڤێنتوس.
لە کۆتاییەکانی وەرزی رابردوودا، گفتوگۆی نێوان ماینان و میلان وەستا، ئەمەش بەهۆی چەند هەڵەیەکی گۆڵپارێزەکە و ناجێگیری ژووری جلگۆڕینی رۆسۆنێری. ئێستا دۆخەکە گۆڕاوە و میلان لەسەر نوێکردنەوەی گرێبەستەکەی سوورە.
