ناوی 26 بەربژێر راگەیەندران بۆ پێکهاتەی نمونەیی ساڵ
فیدراسیۆنی یاریزانە پیشەگەرەکانی جیهان ناوی 26 بەربژێری راگەیاند بۆ پێکهاتەی نموونەیی ساڵی 2025.
بەربژێرەکانی بریتین لە 24 یاریزان لە خولەکانی ئەورووپا و کریستیانۆ رۆناڵدۆ و لیۆنێل مێسی کە تەنها دوو یاریزانی دەرەوەی ئەو کیشوەرەن.
ماوەی 20 ساڵە فیدراسیۆنی یاریزانە پیشەگەرەکان هەڵدەستێت بە دیاریکردنی پێکهاتەی نموونەیی ساڵ و تەنها یاریزانان بۆیان هەیە دەنگ بدەن بە دیاریکردنی باشترینەکان.
ناوی بەربژێرەکان بەم جۆرەیە:
گۆڵپارێز: جیانلویجی دۆنارما ، ئالیسۆن بەیکەر ، تیبۆ کۆرتوا
هێڵی بەرگری: ئەشرەف حەکیمی، مارکینیۆس، ویلیام سالیبا، ڤێرجڵ ڤان دایک، ئەلیکساندەر ئارنۆڵد، پاو کوبارسی، نونۆ مێندێز
هێڵی ناوەڕاست: لوکا مۆدریچ، جود بێڵینگهام، جواو نێڤێش،پێدری، فێدیریکۆ ڤاڵڤێردی، کێڤن دی برۆین، کۆڵ پاڵمەر، ڤیتینیا.
هێڵی هێرشبەر: ئێرلینگ هالاند، کریستیانۆ رۆناڵدۆ، لیۆنێل مێسی، عوسمان دێمبێلی، کیلیان ئێمباپێ، لامین یاماڵ، رافینها، محەمەد سەڵاح.
وابڕیارە رۆژی 11/3 ناوی براوەکان و پێکهاتەی نمونەیی رابگەیەندرێت.
