یاریگا –
چارەنووسی کۆبی مەینوو بۆ مانەوە یاخود رۆشتنی بەستراوەتەوە بە دۆخی روبێن ئامۆریمەوە.
ئەنجامەکانی مانچێستەر یونایتد لە خراپەوە بەرەو خراپتر ئەڕوات و ئەم وەرزەش یانەکە بە سەرپەرشتی روبێن ئامۆریم کە نۆڤێمبەری ساڵی رابردو یەکەمین یاریی فەرمی خۆی بەڕێوەبرد، جێگەی دڵخۆشیی هاندەرانی مان یونایتد نییە. بەوپێیەی جگە لەوەی لە 6 هەفتەی خولی ئینگلیزیدا تەنها 7 خاڵی کۆکردووەتەوە، لە جامی کاراباویش لەسەردەستی یانەی گرێمبسی کرایەدەرەوە. ئەو ئەنجامانەش تا دێت لە دوورخستەوەی نزیک دەکەنەوە.
بەگوێرەی زانیارییەکانی دەیلی مەیڵ، ئەگەر کارگێڕی مانچێستەر یونایتد تا مانگی یەنایەری ساڵی داهاتوو دەرفەتی مانەوە بە ئامۆریم بدەن، ئەوا کۆبی مەینوو جارێکیتر فشار لە یانەکە دەکاتەوە ئۆڵدترافۆرد جێبهێڵێت.
مەینوو ئەگەرچی وەک پایەیەکی سەرەکی بۆ بونیاتنانەوەی یانەکە تەماشادەکرا، بەڵام راهێنەرە پۆرتوگالیەکە بەتەواوەتی پەڕاوێزی خستووە. هاوکات یاریزانە 20 ساڵیەکە داوای بەرزکردنەوەی مووچەکەشی دەکات.
دەیلی مەیڵ ئەوەشی نووسیوە کە هاوینی رابردوو کۆبی یانەی ناپۆلی وەک بژاردەی یەکەمی دانابوو بۆ ئەوەی لەگەڵ مەکتۆمینای و هۆیلوند یەکبگرنەوە.
هەر بەپێی سەرچاوە ئینگلیزیەکە، ئێستا یانەکانی ریال مەدرید و ئاتلێتیکۆش خواستیان لە گواستنەوەی مەینوو هەیە.
🚨 𝐁𝐑𝐄𝐀𝐊𝐈𝐍𝐆: If Amorim stays until January, Kobbie Mainoo will push again to leave United, per Daily Mail 🗞️
Napoli were his top choice in summer, with Mainoo interested to join McTominay & Højlund
⁰Real Madrid & Atlético could reportedly also enter the race 👀 pic.twitter.com/2BCZghkYZE— 433 (@433) October 2, 2025
