یاریگا –
لە هەنگاوێکی گرنگدا یەکێتیی تۆپی پێی عەرەبی بە فەرمی رایگەیاند کە مافی میوانداریکردنی سێ پاڵەوانێتیی گەورەی داهاتووی بە وڵاتی عێراق بەخشیوە.
له باره‌گای فیدراسیۆنی تۆپی پێی عه‌ره‌بی له ریاز پرۆسه‌ی به‌رێوه‌چوونی مافی میوانداریكردنی پاڵه‌وانه‌تیه عه‌ره‌بیان به‌رێوه‌چوو عێراق مافی میوانداریكردنی سێ پاڵه‌وانیه‌تی به‌ده‌ستهێنا.
شاندی یەکێتیی تۆپی پێی عێراق، بە سەرۆکایەتیی عەدنان درجال و جێگرەکەی عەلی جەبار، لە ماوەی رابردوودا چەندین سەردان و کۆبوونەوەی نافەرمییان لەگەڵ بەرپرسانی باڵای یەکێتیی تۆپی پێی عەرەبی و یەکێتییەکانی وڵاتانی تردا كردووه، لەم کۆبوونەوانەدا، دۆسیەیەکی تەواو پێشکەش کرا کە تیایدا پلان و نەخشەی عێراق بۆ میوانداریکردن، یاریگا بەربژێرەکان، و گەرەنتییە حکومییەکان خرابووە ڕوو.
چۆن عێراق ئەم مافەی بەدەستهێنا؟ پرۆسەی چۆن به‌رێوه‌چوو
بەدەستهێنانی ئەم مافە پرۆسەیەکی کتوپڕ نەبوو، بەڵکو ئەنجامی هه‌وڵه‌كانی یەکێتیی تۆپی پێی عێراق بوو کە لەسەر چەند بنەمایەک کاری دەکرد:
میوانداریکردنی جامی کەنداوی ٢٥ لە بەسرە، گەورەترین کارتی فشاری عێراق بوو، ئەو پاڵەوانێتییە بە جیهانی عەرەبی سەلماند کە عێراق لە ڕووی ئەمنی، لۆجستی، و جەماوەرییەوە بە تەواوی ئامادەیە بۆ لەئەستۆگرتنی گەورەترین بۆنە وەرزشییەکان.
یەکێتیی تۆپی پێی عێراق داوای میوانداریکردنی پاڵەوانێتییەکانی لاوانی کرد، چونکە فشار و تێچووی کەمترە و لە هەمان کاتدا دەرفەتێکی باشە بۆ سەلماندنی توانا و بنیاتنانی متمانە بۆ پاڵەوانێتیی گەورەتر لە داهاتوودا.
ڕێوڕەسمەکە لە بارەگای سەرەکیی یەکێتیی تۆپی پێی عەرەبی لە ڕیاز بەڕێوەچوو، عەلی جەبار، جێگری یەکەمی سەرۆکی یەکێتیی تۆپی پێ، ئامادەبوو.
کام پاڵەوانێتییانە لە عێراق دەکرێن؟
ئەو سێ پاڵەوانێتییەی کە بڕیارە لەسەر خاکی عێراق بەڕێوەبچن، هەرسێکیان تایبەتن بە ئاستی لاوان و تازەپێگەیشتووان، پاڵەوانێتییەکان بریتین لە:
- جامی عەرەبی لاوان (خوار 20 ساڵ) بۆ ساڵی 2026.
- جامی عەرەبی تازەپێگەیشتووان (خوار 17 ساڵ) بۆ ساڵی 2027.
- جامی عەرەبی تازەپێگەیشتووان (خوار 17 ساڵ) بۆ ساڵی 2029.
گرنگیی ئەم هەنگاوە بۆ عێراق چییە؟
بەخشینی مافی میوانداریکردنی ئەم سێ پاڵەوانێتییە لە چەند ڕوویەکەوە گرنگیی ستراتیژیی بۆ عێراق هەیە چونكه ئه‌گه‌ر عێراق سه‌ركه‌وتووبێت له میوانداریكردنی ئه‌م سێ پاڵه‌وانه‌تیه ئه‌وا ده‌توانێت داوای مافی میوانداریكردنی پاڵه‌وانیه‌تی گه‌وره‌تر بكات.
