لیڤاندۆڤسکی وەڵامی ئۆفەرێکی 100 ملیۆن یۆرۆیی دەداتەوە
هۆکارەکەی ئاشکرا کردووە..
یاریگا –
رۆبێرت لیڤاندۆڤسکی، هێرشبەری پۆڵەندی ئۆفەرێکی 100 ملیۆن یۆرۆیی سعوودیەکانی رەتکردووەتەوە.
رۆژنامەی سپۆرت بڵاویکردووەتەوە، لەم هاوینە سعوودیەکان ئۆفەرێکیان بە بەهای 100 ملیۆن یۆرۆ بۆ گواستنەوەی رۆبێرت لیڤاندۆڤسکی هێرشبەری بارسێلۆنا پێشکەشکردووە بەڵام گۆڵکارە پۆڵەندییەکەی بارسا ئۆفەرەکەی رەتکردووەتەوە.
بەگوێرەی رۆژنامە ئیسپانییەکە، لیڤاندۆڤسکی داوایکردووە ئۆفەرەکە بۆ ساڵێکی دیکە دوابخەن و دەیەوێت وەرزێکی دیکەش لەگەڵ بارسێلۆنا بەردەوامبێت و دواتر بیر لە جێهێشتنی یانەکە بەرەو سعوودیە دەکاتەوە.
🇵🇱 Lewandowski, ‘no’ a 100 millones de euros de Arabia… Por ahora
👉 Según apuntan desde el país árabe, el agente del futbolista solicitó este verano un aplazamiento de las conversaciones
✍️ @ChrisBlasco3 https://t.co/2hEdtpG0ag
— Diario SPORT (@sport) September 3, 2025
لیڤاندۆڤسکی لە هاوینی 2022 بەبڕی 45 ملیۆن یۆرۆ لە بایرن میونشنەوە پەیوەندی بە بارسێلۆنا کرد و لە هاوینی داهاتوو گرێبەستەکەی بەسەردەچێت. بەهای ئێستای لە بۆڕسەی یاریزانان 12 ملیۆن یۆرۆیە.
لیڤا بە درێسی بارسێلۆنا لە سەرجەم پاڵەوانێتییەکان بەشذاریی 149 یاریی کردووە، 101 گۆڵی کردووە و 20 گۆڵی دروستکردووە.
دوو نازناوی لالیگا، دوو نازناوی جامی سوپەری ئیسپانیا و نازناوێکی جامی شای ئیسپانیای لەگەڵ یانە کاتالوونیەکە بەدەستهێناوە.
