تەواو؛ کریستال پاڵاس شوێنگرەوەی ئێزێ دەگوازێتەوە

یاریگا –

کریستال پاڵاس لە گواستنەوەی کریستیانتووس ئوچێ، هێرشبەری خێتافی نزیکبووەتەوە.

تۆڕی سکای سپۆرتس بڵاویکردووەتەوە، یانەکانی سەندرلاند و ئاستۆن ڤیلا چەند رۆژێکە گفتوگۆ لەگەڵ نوێنەرانی ئوچێ دەکەن، بەڵام پێدەچێت پاڵاس لەپڕ گفتوگۆکانی لەگەڵ خێتافی و یاریزانەکە تەواوکردبێت.

پاڵاس و خێتافی لەسەر گواستنەوەی ئوچێ بە 17.3 ملیۆن پاوەند رێککەوتوون و ئەستێرە نایجێرییەکە دەبێتە شوێنگرەوەی ئێبێرێچی ئێزێ، کە بەمدواییە پەیوەندی بە ئارسیناڵ کرد.

ئوچێ ئێستا لە لەندەنە و لەوانەیە لە چەند کاتژمێری داهاتوو، وەکو یاریزانی کریستال پاڵاس بناسێندرێت.

هێرشبەری نێودەوڵەتی نایجێری سەرنجی چەندین یانەی پرێمەرلیگ و ئەوروپای راکێشابوو، بەڵام دوای چوونە دەرەوەی ئێزێ، هێرشبەرەکەی خێتافی ببووە ئامانجی سەرەکی یانەکەی باشووری لەندەن.

ئوچێ یەکێکە لەو یاریزانانەی دەتوانێت لە هەر سێ شوێنەکەی هێڵی پێشەوە یاریی بکات و دەبێتە یاریزانێکی کاریگەری ئۆلیڤەر گلاسنەر.