بازاڕی گواستنه‌وه‌گرنگترین

ڤیدیۆ؛ پاکیتا تەلەفۆنەکەی بەڕووی یانە خوازیارەکەیدا داسخت

Yariga App

یاریگا –

لوکاس پاکیتای ئەستێرەی وێستهام بە جووڵەیەکی دەرگای بەڕووی یانەی ئاستۆن ڤیلادا داخست.

شەوی رابردوو زانیارییەک بڵاوکرایەوە کە گوایە ڤیێلا تەنها هەنگاوێک لە پاکیتا دوورە و ئەستێرە بەڕازیلیەکەش بەپەرۆشە بۆ ئەو پرۆژەی لەو یانەیەوە پێشکەشیکراوە.

بەڵام زۆری نەخایاند و هەڕ ئەمشەو لە یارییەکەیان بەرامبەر نۆتینگها فۆڕێست کە 0-3 براوەبوون و پاکیتا گۆڵی دووەمی یارییەکەی کرد، ئاهەنگگێڕانی گۆڵەکەی کرد بە دەرفەتێک بۆ بە ناڕاستخستنەوەی دەنگۆیەکان و بە ئاماژەیەک پیشانیدا کە وەڵامی پەیوەندییەکانی ئاستۆن ڤیلا ناداتەوە. هەروەها بە ماچکردنی لۆگۆکەی هامەرز لەسەر درێسەکەی، خۆشەویستی خۆی بۆ یانەکەی دووپاتکردەوە.

پاکیتا سێ ساڵ بەرلە ئێستا بە بڕی 50 ملیۆن پاوەند وەک گرانترین گرێبەستی وێستهام لە لیۆنی فەڕەنسییەوە پەیوەندی بە هامەرزەوە کرد. لەو ماوەیەدا توانی وەک روخسارێکی دیاریی یانە لەندەنییەکە خۆی بناسێنێت.

بابەتی زیاتر

Back to top button