تاكتیكه‌كانی سڵۆت و ئارتێتا؛ كێ له ئانفیڵد سه‌رده‌كه‌وێت؟
جەنگە گەورەکەی ئەم وەرزە ئەمڕۆ دەستپێدەکات....
یاریگا –
ئەمڕۆ چاوەکان لەسەر یاریگای ئانفیڵدن، شانۆی رووبه‌رووبوونه‌وه‌ی دوو گه‌وره‌ی پرێمه‌رلیگه لیڤه‌رپوول میوانداری ئارسیناڵ ده‌كات.
ئەمە تەنیا یارییەک نییە بۆ بەدەستهێنانی سێ خاڵ، بەڵکو تاقیکردنەوەیەکی راستەقینەیە بۆ فەلسەفەی تاکتیکی هەردوو راهێنەر، ئارنێ سلۆت و میکێل ئارتێتا، هەروەها پێوانەیەکە بۆ ئامادەیی هەردوو تیپ بۆ کێبڕکێکانی ئه‌م وه‌رزه.
لیڤەرپوولەکەی سڵۆت؛ شۆڕشێکی هێمن
لیڤەرپوول له‌گه‌ڵ سڵۆت گۆڕانکارییەکی بەرچاوی بەسەر هاتووە، سڵۆت، کە بە تاکتیکە هێرشبردنەکانی و فشاری بەرز ناسراوە، هەوڵدەدات شێوازێکی نوێ بە تیپەکە ببەخشێت، لە هەمان کاتدا میراتی یۆرگن کڵۆپ بپارێزێت، تاکتیکی سەرەکی لیڤەرپوول لەم وەرزەدا لەسەر ئەم خاڵانە چڕ دەبێتەوە؛
- بونیاتنانی یاری لە دواوە: لیڤەرپوول ئێستا زیاتر هەوڵدەدات یاری لە هێڵی بەرگرییەوە بونیات بنێت، بە بەکارهێنانی گۆڵپارێز و بەرگریکاران بۆ دەستپێکردنی هێرشەکان، ئەمەش پێویستی بە یاریزانانی خاوەن توانای تەکنیکی بەرز لە هێڵی بەرگری هەیە.
- بەرگریکارانی باڵ و رۆڵی نوێیان: بەرگریکارانی باڵ هێشتا رۆڵێکی سەرەکی دەبینن لە هێرشبردن و دروستکردنی هەل له پلانه‌كانی ئارنێ، بەڵام له‌وانه‌یه زیاتر لە ناوەڕاستی یاریگادا بجووڵێن بۆ دروستکردنی ژمارەی زیاتر لە ناوەڕاست و یارمەتیدان بۆ کۆنترۆڵکردنی تۆپ.
- فشاری بەرز: فشاری بەرز هێشتا بەشێکی دانەبڕاوە لە فەلسەفەی سڵۆت، بەڵام له‌وانه‌یه جیاواز بێت لەوەی کڵۆپ، سڵۆت زیاتر جەخت لەسەر فشاری رێکخراو بۆ وەرگرتنەوەی تۆپ لە ناوچە مەترسیدارەکان دەکات.
- ناوەڕاستی یاریگا: ناوەڕاستی یاریگا گۆڕانکاری بەسەردا هاتووە و زیاتر جەخت لەسەر جووڵەی بەردەوام و ئاڵوگۆڕی شوێن دەکرێتەوە ئه‌مه‌ش بۆ دروستکردنی بۆشایی و تێکدانی رێکخستنی بەرگری تیپی بەرامبەر.
شێوازی یاری لیڤەرپوول
چاوەڕوان دەکرێت لیڤەرپوول بە شێوازێکی 4-3-3 یان 4-2-3-1 یاری بکات، بە پشتبه‌ستن لەسەر خێرایی لە باڵەکان و توانای گۆڵکردنی هێرشبەرەکان.
ئارسیناڵەکەی ئارتێتا؛ قەڵایەکی پتەو و هێرشێکی ورد
ئارسیناڵ له‌گه‌ڵ میکێل ئارتێتادا گەشەیەکی بەرچاوی كردووه و بووەتە یەکێک لە تیپە هەرە رێکخراو و بەهێزەکانی پرێمەرلیگ، له دوو وه‌رزی رابردوو هه‌ندێک ورده‌كاری بچووکی ئه‌و تیپه‌ی له نازناوه‌كه بێ به‌شكرد، ئارتێتا تیپێکی دروست کردووە کە هاوسەنگییەکی نایابی هەیە لە نێوان بەرگری و هێرشبه‌ریدا.
خاڵە سەرەکییەکانی تاکتیکی ئارسیناڵ
- بەرگرییەکی پتەو: ئارسیناڵ ئێستا خاوەنی یەکێک لە بەهێزترین هێڵەکانی بەرگرییه رێکخستنی بەرگرییان زۆر باشە و بە ئاسانی گۆڵیان لێناكرێت، ئەمەش بەهۆی کاری زۆری ئارتێتاوە دێت لەسەر رێکخستنی هێڵی دواوە و رۆڵی یاریزانانی ناوەڕاست لە پاراستنی بەرگریدا.
- کۆنترۆڵکردنی ناوەڕاستی یاریگا: ئارسیناڵ زۆر جەخت لەسەر کۆنترۆڵکردنی ناوەڕاستی یاریگا دەکاتەوە، بە بەکارهێنانی یاریزانانی خاوەن توانای پاسدان و ورد له بینین بۆ دروستکردنی هەل و کۆنترۆڵکردنی ریتمی یاری.
- هێرشی ورد و خێرا : هێرشەکانی ئارسیناڵ زۆر ورد و خێران، بە تایبەت لە رێگەی باڵەکانەوە و بەکارهێنانی جووڵەی بێ تۆپ بۆ دروستکردنی بۆشایی لە بەرگری تیپی بەرامبەردا.
- کۆڕنەر و لێدانە وەستاوەکان: ئارسیناڵ لە لێدانە وەستاوەکاندا زۆر بەهێزە و چەندین گۆڵی لەم رێگەیەوە كردووە، ئەمەش خاڵێکی گرنگە کە لیڤەرپوول دەبێت ئاگاداری بێت.
شێوازی یاری ئارسیناڵ
چاوەڕوان دەکرێت ئارسناڵ بە شێوازێکی 4-3-3 یاری بکات، كه دوو یاری رابردووش به هه‌مان پلان یاریی كردووه كه پشت به کۆنترۆڵکردنی تۆپ و هێرشی خێرا ده‌به‌ستێت.
باڵا دەستی تاکتیکی؛ کێ سەردەکەوێت؟
یاری ئەمڕۆ جه‌نگێكی ڕاستەقینەی تاکتیکی دەبێت، لیڤەرپوول بە فشاری بەرز و هێرشی خێرا هەوڵدەدات بەرگری ئارسیناڵ تێکبدات، لە کاتێکدا ئارسیناڵ هەوڵدەدات بە کۆنترۆڵکردنی ناوەڕاستی یاریگا و هێرشی ورد و خێرا، مەترسی دروست بکات.
خاڵە سەرەکییەکانی یارییەکە
- جه‌نگی ناوەڕاستی یاریگا: کێ کۆنترۆڵی ناوەڕاستی یاریگا دەکات، ئەوا دەتوانێت ڕیتمی یارییەکە دیاری بکات.
- توانای شکاندنی بەرگری: ئایا لیڤەرپوول دەتوانێت بەرگری پتەوی ئارسیناڵ بشکێنێت؟ ئارسیناڵ دەتوانێت بەرگری لیڤەرپوول تێکبدات لە کاتی هێرشی پێچەوانەدا پشتی به‌و پلانه ببه‌ستێت.
- ڕۆڵی یاریزانە سەرەکییەکان: یاریزانانی سه‌ره‌كیه‌كانی هه‌ردوو تیپ رۆلێكی گرنگی یه‌كلاییكه‌ره‌وه ده‌بینن بۆ كۆنترۆڵكردنی یارییه‌كه و بردنه‌وه.
هه‌ردوو یانه هه‌وڵده‌ده‌ن له رێگه‌ی ئه‌م یارییه‌وه یه‌كه‌م به‌ردی بناخه‌ی به‌ده‌ستهێنانی نازناوی پرێمه‌رلیگ دابنێن.
