ئه‌ڵمانیائینگلتەرابازاڕی گواستنه‌وه‌

ئامانجە نوێیەکەی ئارسیناڵ ئەمڕۆ گەشتی لەندەن دەکات

Yariga App

یاریگا –

پیێرۆ هینکاپیێ، یاریزانی بایەر لیڤەرکوزن، بە بێ مۆڵەتی یانەکەی بۆ کۆتاییهێنان بە گرێبەستەکەی گەشتی لەندەنی کرد.

هینکاپیێی 23 ساڵ بە تامەزرۆییەکی زۆرەوە چاوەڕێی ئەوەیە بە زووترین کات پەیوەندی بە ئاریسناڵەوە بکات.بە گوێڕەی زانیارییەکانی ئاتێلێتیک، هینکاپیێ بە لیڤەرکوزنی راگەیاندووە کە دەیەوێت بایەر لیڤەرکوزن جێبهێڵێت لەکاتێکدا گرێبەستەکەی لە کانوونی دووەمی ساڵی رابردوو لەگەل یانە ئەڵمانییە نوێ کردەوە. ئارسیناڵ و بایر لیڤەرکوزن لەسەر گرێبەستێکی خواستن لەگەڵ بژاردەی کڕینی هەمیشەیی بە بەهای 52 ملیۆن یۆرۆ رێککەوتنی سەرەتاییان کردووە ،هەرچەندە تاوەکوو ئێستا رێکەوتنی کۆتایی لە نێوان دوویانەکە واژۆ نەکراوە و یانەکەی مۆلەتی پشکنینی پزیشکی بە هینیکاپیێ نەداوە، بەلام ئەو یاریزانە گەشتی لەندەنی کرد.

کۆتایی هێنان بە گرێبەستی هینکاپیێ پەیوەستە بە پلانەکانی ئارسیناڵ بۆ فرۆشتنی جەیکوب کیڤیۆر بە پۆرتۆ. ئەم گواستنەوەیە کە بەهاکەی دەگاتە 27 ملیۆن یۆرۆ، لەئەگەری هاتنی بەرگریکارە ئیکوادۆرییەکە تەواو دەکرێت. هاتنی پیێرۆ هێڵی بەرگری میکێل ئارتێتا بەهێزتر دەکات، و ئەمساڵ پێکهاتەکەیان بەهێزتر کردووە و چاویان لە بەدەستهێنانی نازناوی پرێمەرلیگە.

هینکاپیێ کە وەک یەکێک لە بەرگریکارە ئاستبەرزەکانی ئەمریکای باشوور ناوبانگی دەرکردووە، کەسایەتییەکی سەرەکی بووە لە بەدەستهێنانی نازناوی بۆندسلیگا لەلایەن بایر لیڤەرکوزنەوە. هەروەها لە هەڵبژاردەی ئیکوادۆر یاریزانی سەرەکییە. ئارسیناڵ وەک چارەسەرێکی درێژخایەن سەیری دەکات و بۆ هاوینی داهاتوو گرێبەستێکی پێنج ساڵەی ئامادەکردووە ئەگەر بڕگەی کڕینی یاریزانەکە کارا بکرێت.

بابەتی زیاتر

Back to top button