بەپەلە؛ جەیمی ڤاردی دەچێتە یانەیەکی ئیتاڵیا
ئەمڕۆ رێککەوتنی کۆتاییانکردووە

یاریگا –
جەیمی ڤاردی، ئەفسانەی لێستەر سیتی پەیوەندی بە یانەیەکی سێریا ئەی دەکات.
فابریزیۆ رۆمانۆ، رۆژنامەنووسی دیاری مێرکاتۆ بڵاویکردووەتەوە، ڤاردی لەگەڵ کریمۆنێزی رێککەوتووە و گرێبەستێک تاوەکو هاوینی ساڵی داهاتوو لەو یانەیە دەمێنێتەوە.
بەگوێرەی زانیارییەکانی فابریزیۆ، کریمۆنێزی ئامادەیە گرێبەستەکەی بۆ ساڵێکی دیکەش درێژبکاتەوە، ئەگەر ڤاردی ویستی مانەوەی لە سێریا ئەی هەبێت.
🚨🇮🇹 Jamie Vardy to Cremonese, here we go! Deal in place with Italial club until June 2026 plus option for +1 season if staying in Serie A.
Agreement done right now and Vardy scheduled to travel tonight to Milano in order to start new chapter.#LCFC legend will play in Italy. pic.twitter.com/osAwzDod5H
— Fabrizio Romano (@FabrizioRomano) August 31, 2025
ئەمڕۆ یەکشەممە، ڤاردی و کریمۆنێزی بە تەواوی لەسەر وردەکارییەکان رێککەوتن و ئەمشەو گەشتی میلان دەکات.
ڤاردی بۆ ماوەی 13 ساڵ یاریی بۆ لێستەر سیتی کرد، دوای ئەوەی لە هاوینی ساڵی 2012 بەبڕی تەنیا 1.24 ملیۆن یۆرۆ لە یانەی فلیتوودەوە پەیوەندی بە لێستەر سیتی کرد.
لە دوای تەواوبوونی وەرزی رابردوو و دابەزینی لێستەر سیتی بۆ چامپیۆنشیپ، ڤاردی ماڵئاوایی لەو یانەیە کرد، کە ساڵی 2015 پێکەوە نازناوی پرێمەرلیگییان بەدەستهێنا.
ڤاردی لەگەڵ لێستەر سیتی 200 گۆڵی لە کۆی 500 یاریدا کرد، هەروەها خاوەنی 71 ئەسیست بوو.