فولهام ئەستێرەیەکی بەڕازیلی دەگوازێتەوە و دەیکاتە گرانترینی مێژووی یانەکە

یاریگا –

فولهام و یانەیەکی ئوکراینی لەسەر گواستنەوەی ئەستێرەیەک رێککەوتن.

تۆڕی هەواڵی سکای سپۆرتس بڵاویکردووەتەوە، شاختار ئۆفەری فولهامی بۆ گواستنەوەی کێڤن پەسندکرد.

فولهام بڕی 34.6 ملیۆن پاوەندی لە گواستنەوەی کێڤن، یاریزانی باڵ خەرجکردووە و ئەمڕۆ بۆ پشکنینی پزیشکی دەگاتە لەندەن.

کێڤن دەبێتە گرانترین گواستنەوە لە مێژووی فولهام و ریکۆردی گواستنەوەی ئێمیل سمیس رۆو لە ئارسیناڵ دەشکێنێت، کە هاوینی رابردوو بەبڕی 34 ملیۆن پاوەند پەیوەندی بە فولهامەوە کردبوو.

یاریزانی تەمەن 22 ساڵانی بەڕازیلی دەبێتە دووەم گرێبەستی ئەم هاوینەی فولهام، دوای گواستنەوەی بێنیامین لێکۆتمێ لە مۆنپێلیێی فەڕەنسییەوە.