ئێستا؛ میلان ئۆفەرێکی فەرمی بۆ گواستنەوەی ئەستێرەیەک پێشکەشی لیڤەرپوول دەکات
هەنگاوەکانی فەرمی دەستیانپێکردووە و میلان وەڵامی وەرنەگرتووە
یاریگا –
ئەیسی میلان هەوڵی فەرمی بۆ گواستنەوەی بەرگریکارێکی لیڤەرپوول دەستپێکرد.
ماتیۆ مۆرێتۆ، رۆژنامەنووسی دیاری مێرکاتۆ بڵاویکردووەتەوە، ئەیسی میلان ئۆفەرێکی فەرمی بۆ گواستنەوەی جۆ گۆمێز، پێشکەشی لیڤەرپوول کرد.
بەگوێرەی زانیارییەکانی مۆرێتۆ، تاوەکو ئێستا لیڤەرپوول وەڵامی فەرمی ئۆفەرەکەی نەداوەتەوە، بەڵام پێشبینی دەکرێت، ئارنە سڵۆت دەستبەرداری گۆمێز بێت، بەتایبەت دوای نزیکبوونەوەک ماڕک گێی، بەرگریکاری کریستال پاڵاس لە یانەکە.
Il Milan ha presentato al Liverpool un’offerta ufficiale per Joe Gomez.
Si tratta di un trasferimento a titolo definitivo.
Adesso il Milan è in attesa della risposta del club inglese. pic.twitter.com/k9nguVGGEb
— Matteo Moretto (@MatteMoretto) August 31, 2025
لە سەرەتای ئەم هاوینە، لیڤەرپوول دەستبەرداری جاڕێل کوانسا بۆ بایەر لیڤەرکوزن بوو، بەڵام دواتر گرێبەستی لەگەڵ جیۆڤانی لیۆنی، یاریزانی ئیتاڵی واژۆکرد و ئێستاش چاوەڕێی وەڵامی کریستال پاڵاسە بۆ گواستنەوەی گێی.
گۆمێز بژاردەی سێیەمی سڵۆت لە دوای هەریەکە لە ئیبراهیما کۆناتێ و ڤیرجیڵ ڤان دایک، بەڵام بە گواستنەوەی گێی، دەبێتە بژاردەی چوارەم و بەشدارییەکانی بەشێوەیەکی بەرچاو سنووردار دەبێت.
گۆمێز لە تەمەنی 17 ساڵی بەبڕی 4.9 ملیۆن یۆرۆ لە چارڵتنەوە پەیوەندی بە لیڤەرپوول کرد، لەوساتەوە 242 یارییکردووە و هیچ گۆڵێکی نەبووە.
