ئەستێرەیەکی وێستهام پەیوەندی بە ئاستۆن ڤیلا دەکات

یاریگا –

ئاستۆن ڤیلا لە گواستنەوەی لوکاس پاکێتا، ئەستێرەی وێستهام یونایتد نزیکە.

فابریزیۆ رۆمانۆ، رۆژنامەنووسی دیاری مێرکاتۆی یاریزانان بڵاویکردووەتەوە، ئاستۆن ڤیلا و وێستهام لەسەر گواستنەوەی پاکێتا بە خواستن تاوەکو کۆتایی وەرز رێککەوتوون، بەو مەرجی لە هاوینی داهاتوودا ڤیلانز تەواوی مافەکانی یاریزانەکە بە 47 ملیۆن پاوەند بکڕێت.

پاکێتا لاری لە گواستنەوەی بۆ ئاستۆن ڤیلا نییە، بەڵام چاوەڕێی دوا رەزامەندی یانە لەندەنییەکەیە تاوەکو گەشتی بیرمینگهام بکات.

🚨💣 Understand Aston Villa are closing in on Lucas Paquetá deal with West Ham!

£47m package including loan fee, obligation to buy and add-ons.

Paquetá has accepted #AVFC move, keen on project and ready to join.

Here we go, expected soon. 🇧🇷 pic.twitter.com/SS8Nzq3Sxv

— Fabrizio Romano (@FabrizioRomano) August 30, 2025

گواستنەوەی پاکێتا کێشەکانی وێستهام زیاتردەکات، چونکە هەرسێ یاریی وەرزی نوێی دۆڕاندووە، لەلایەکی دیکەوە، ئاستۆن ڤیلا دەیەوێت بەباشترین شێوە رکابەری لەسەر یۆرۆپالیگ بکات و بەر لە داخستنی بازاڕی گواستنەوەی یاریزانان، هەموو شتێک تەواو بکات.

ئەمڕۆ یەکشەممە، ئاستۆن ڤیلا لە ڤیلا پارک میوانداری کریستال پاڵاس دەکات، وێستهامیش لە دەرەوەی یاریگای خۆی رووبەڕووی نۆتینگهام فۆڕێست دەبێتەوە.