یاریگا –
ئەمڕۆ لە یاریی لووتكەی هەفتەی سێیەمی پرێمەرلیگ لیڤەرپوول و ئارسیناڵ رووبەڕووی یەکدەبنەوە.
وا بڕیارە ئەمڕۆ یەكشەممە كاتژمێر 18:30 بە كاتی كوردستان لیڤەرپوول لە یاریگای ئانفیڵدی تایبەت بە خۆی رووبەرووی ئارسیناڵ ببێتەوە، لە میانی یارییەكانی هەفتەی سێیەمی پرێمەرلیگ.
پڕۆفایلی یاری
بە درێژایی وەرزی رابردوو جەنگی نێوان لیڤەرپوول و ئارسیناڵ لەسەر نازناوی پرێمەرلیگ بەردەوام بوو، لە كۆتاییدا رێدز بە جیاوازی 10 خاڵ نازناوەكەی لە گەنەرز بردەوە.
لیڤەرپوول لە دوو یاریی سەرەتایی پرێمەرلیگ بە زەحمەت بردنەوەی بەدەستهێنا كاتێک لە هەفتەی یەكەم میوانداری بۆرنمسی كرد و یارییەكەی بە چوار گۆڵ بەرامبەر دوو گۆڵ لێبردەوە و لە هەفتەی دووەمیش بووە میوانی نیوكاسڵ و بە ئەنجامی سێ گۆڵ بەرامبەر دوو گۆڵ یارییەكەی لێبردەوە.
لە بەرامبەردا ئارسیناڵ هەردوو یارییەكەی بردووەتەوە و هیچ گۆڵێكی لێنەكراوە، لە هەفتەی یەكەم بە گۆڵێكی بێ وەڵام لە مانچێستەر یونایتدی بردەوە و لە هەفتەی دووەمیش بە پێنج گۆڵی بێ وەڵام لە لیدز یونایتدی بردەوە.
هەردوو یاریی پرێمەرلیگی وەرزی رابردوو لە نێوان لیڤەرپوول و ئارسیناڵ بە دوو گۆڵ بۆ هەردوولا یەكسان بوون.
هەواڵی پێكانی یاریزانەكان
لیڤەرپوول بە بێ جێرمی فریمپۆنگ رووبەڕووی ئارسیناڵ دەبێتەوە.
لە بەرامبەردا ئارسیناڵ بە بێ بوكایۆ ساكا، كای هاڤێرتز، گابریێل خێسوس، بێن وایت، و كریستیان نۆرگارد و مارتن ئۆدیگارد رووبەرووی لیڤەرپوول دەبێتەوە.
زانیاری یاری
لیڤەرپوول لە كۆتا شەش یاریی پرێمەرلیگ بەرامبەر ئارسیناڵ نەیتوانیووە بردنەوە بەدەستبهێنێت ( 4 یەكسان، 2 دۆڕان ).
سێ یاری رابردووی نێوان لیڤەرپوول و ئارسیناڵ لە پرێمەرلیگ لە ناو یاریگای ئانفیڵد سەرجەمیان یەكسان بوون.
لیڤەرپوول 36 یارییە لە دوای یەک لە پرێمەرلیگ گۆڵ دەكات.
لە سەرەتای وەرزی 2023/24 ئارسیناڵ لە پرێمەرلیگ 33 گۆڵی بە لێدانی گۆشە كردووە.
محەمەد سەڵاح لە پرێمەرلیگ 11 گۆڵی بەرامبەر ئارسیناڵ كردووە.
پێكهاتەی پێشبینیكراوی لیڤەرپوول
ئالیسن
برادلی، كۆناتێ، ڤان دایک، كێركێز
خراڤنبێرخ، ماک ئالیستەر
سەڵاح، ڤیرتز، خاكپۆ
ئێكیتیكێ
پێكهاتەی پێشبینیكراوی ئارسیناڵ
رایا
تیمبێر، سالیبا، گابریێل، كالافیۆری
زوبیمێندی، رایس
مادویكێ، ئیزێ، مارتینێلی
یۆكێرێش
