تەواو؛ نیوکاسڵ یونایتد وەڵامی کۆتایی لیڤەرپوولی لەبارەی ئیزاک دایەوە
چیرۆکەکە کۆتاییهات....
یاریگا –
پێدەچێت چیرۆکی ئالێکساندەر ئیزاک لە مێرکاتۆی ئەم هاوینە بگاتە خاڵی کۆتایی.
دوای ئەوەی نیوکاسڵ یونایتد، نیک ڤۆڵتمادە، هێرشبەری شتوتگارتی گواستەوە ریزەکانی و خەریکە گواستنەوەی یۆرگن ستراند لارسن، هێرشبەری وۆڵڤزیش دەگوازێتەوە، ئیتر کاتی ماڵئاوایی ئیزاک بێت لە یانەکە.
یان ئۆگێ فیۆرتۆفت، رۆژنامەنووسی دیاریی ESPN و یاریزانی پێشووی نەرویجی بڵاویکردووەتەوە، هەموو شتێک لە نێوان لیڤەرپوول و نیوکاسڵ بۆ گواستنەوەی ئیزاک تەواو کراوە.
Re: Alexander Isak
Understand Isak – deal is done!
Newcastle away at Leeds tonight, so nothing expected before that I am told.
Fee will be £130m
Isak to Liverpool likely to happen very soon
— Jan Aage Fjørtoft 🇳🇴 (@JanAageFjortoft) August 30, 2025
بەگوێرەی زانیارییەکانی رۆژنامەنووسی نەرویجییەکە، ئەمشەو نیوکاسڵ یونایتد دوور لە یاریگای خۆی لە پرێمەرلیگ رووبەڕووی لیدز یونایتد دەبێتەوە و پێناچێت، تاوەکو تەواوبوونی ئەو یارییە، هیچ شتێک رووبدات.
فیۆرتۆفت دەڵێت؛ لیڤەرپوول و نیوکاسڵ لەسەر گواستنەوەی ئیزاک بەبڕی 130 ملیۆن پاوەند رێککەوتوون و لەوانەیە سبەی یەکشەممە، ئیزاک پشکنینی پزیشکی لە لیڤەرپوول بکات.
ئیزاک لە هاوینی 2022 لە ریزەكانی ریال سۆسێدادەوە بە بەهای 70 ملیۆن یۆرۆ پەیوەندی بە نیوكاسڵەوە كرد و تاوەكو 2028 گرێبەستی لەگەڵ نیوكاسڵ هەیە، بەهای ئێستای هێرشبەرە 25 ساڵانەكە لە بۆرسەی یاریزانان 120 ملیۆن یۆرۆیە.
ئیزاک لەگەڵ نیوكاسڵ 109 یارییكردووە و 62 گۆڵیكردووە و 11 گۆڵیشی درووستكردووە.
