یاریگا –
لویس دێ لافۆنتێ راهێنەری هەڵبژاردەی ئیسپانیا توڕەیی خۆی دەربڕی دوای ئەوەی پێکهاتەی لارۆخای بۆ پاڵاوتنەکانی مۆندیالی 2026 بەرامبەر بولگاریا و تورکیا راگەیاند.
لە کۆنگرە رۆژنامەوانییەکەیدا كه پێكهاته‌ی هه‌ڵبژارده‌كه‌ی ئاشكرا كرد،ه سەبارەت بە دوورخستنەوەی خوان گارسیای گۆڵپارێزی بارسێلۆنا پرسیار لە دێ لافۆنتێ کرا، بۆچی خوان گارسیای گۆڵپارێزی بارسێلۆنای له پێكهاته‌كه دوورخستووته‌وه، ئه‌ویش به‌م پرسیاره توڕه ده‌بێت و راهێنه‌ری هه‌ڵبژارده‌ی ئیسپانیا رایگه‌یاند، بابه‌ته‌كه هەڵبژاردەیەکی ئیسپانیایه نەک یانەیەک، هەروەها دەرفەت بە هەموو یاریزانەکان دەدات.
راهێنەری پاڵەوانی ئەوروپا دەڵێت،
دەکرا ئێستا گارسیا لێرە بێت، هەروەک ساڵی رابردوو، بەڵام ئێمە باس لەوە ناکەین کە بانگهێشتی بکەین چونکە یاریزانی بارسێلۆنایه، ئه‌و پرسه په‌یوه‌سته به هه‌ڵبژارده‌ی ئیسپانیا.
Le preguntan a De La Fuente por la ausencia de Joan García, portero del FC Barcelona, y responde con una petición de cara al Mundial 2026. Todos a una, España. pic.twitter.com/UwS4YFCbzQ
— MARCA (@marca) August 29, 2025
دوورخستنەوەی گۆڵپارێزی پێشووی ئیسپانیۆل تا ئێستا لە هەڵبژاردەی ئیسپانیا وایکردووە بارسێلۆنا بڕی پێنج ملیۆن یۆرۆی زیادە بدات بە رکابەرەکانی، وەک لە گرێبەستەکەدا هاتووە.
دێ لا فۆنتێ ئاماژەی بەوەشکرد،
با بزانین ئەمساڵ دەتوانین کەمێک شتەکان بگۆڕین یان نا، ئەمە هەڵبژاردەی ئیسپانیایە، نابێت لێرە باسی یاریزانانی یانەکان بکەین، بەبێ گوێدانە یانەکەیان، ئەوان یاریزانی هەڵبژاردەی ئیسپانیان.
هه‌روه‌ها راهێنه‌ری هه‌ڵبژارده‌ی ئیسپانیا باسی دوورخستنه‌وه‌ی لاپۆرتی كرد و رایگه‌یاند، قسەم لەگەڵ کرد و بەوپەڕی خۆشحاڵییەوە چاوەڕێی کارکردنم لەگەڵیدا،
یاریزانێکی زۆر گرنگە بۆ ئێمە، لە هەمان ئاستی رۆدری و کارڤاخال و مۆراتادایە، هیوادارم لە مانگی ئۆکتۆبەردا لە دۆخێکدا بێت کە لەگەڵمان بێت.
دی لا فۆنتێ بەرگری لە لامین یامال و شێوازی ژیانی کرد لە دەرەوەی یاریگا و گوتی، ئێستا تەمەنی 18 ساڵە و زۆر کاردەکات، بەهرەیەکی گەورەی هەیە و به به‌هێزی مەشق دەکات، ئاهەنگەکان وردەکارییەکی گرنگنین.
